Replies to This Discussion

Permalink Reply by Maiaa IONA Teiaokabu on July 29, 2009 at 3:53pm

Mauri ngkami,

Ai bon kaminonanora naba naba aekaki ni iango aika a rio ibukia ara tia kairiri n ara Ekaretia Katorika. Ma e aoria bwa are tao e bon ira minominon te aonaba kee?

Eang, ngai n au koaua, ao i taku bwa tama ake iai aia iango ibukin nanoia ni kan ana te takaramentu ni mare, anne e a bon nakoia. Are nanona bwa tama ake a kan uataboa aron te maiu n takaramentu ni mare, iai riana bwa a kona ni kakaei raman waia, ma tama ngkanne ake a tuai n tauraoi nanoia ni waki iaon te itera aio, tao ana bon waki nako ao man kawakinia man kaibabarun te maiu aio.

Mr. IONA

Permalink Reply by Fanning on July 29, 2009 at 9:06pm

Ngkai e a bontia n tabangaki ao n tanoata aroia ara Tama ni Katorika ao ngai ni bon au koaua ao e bon aki kona ni manga bita ana iango te nati ni Katorika ba e na kona ni manga kariaia te iango are ana iein ana Tama. E aoria ngke bon te rabata n ai arou ma ngkoe ae bon taiain rabata ngaira. Ni bon koauana ao e tina ba tinaki manga kumea te Ekaretia teuana ma teuana ma tina riai n tiku bon ti aon ara KOC ibukin mamarooroo ibukin te reitaki ma tiaki baai riki tabeua n aron aio.

KE TERA AM IANGO?????

Permalink Reply by Maiaa IONA Teiaokabu on July 30, 2009 at 12:48am

Mauri naba,

Ao kai akea te kanganga n aron am iango ane e oti bwa are e bon rangi n bure bwa tina kumea wakan te Ekaretia teuana ma teuna, ma n otau ae memere ao I taku bwa te titiraki aio e rangi ni kaineta ara Onimaki are ti aki burebureaki iaona.
ke e kanga ngkoe iroum?

Permalink Reply by Kakibaimoa on July 30, 2009 at 3:17am

Tera ngkai otam ngkoe te tia tabeka te titiraki aei n te tai aei? Tiaki tao e nang mino riki am koaua bwa e a moanna ni manga matoa kaaitaraan te aki iein irouia Taama n aron ae a rawata riki kaeka ni kaitara aroia Taama ae ngkai?

Ao anne are e a kaman bubuti iai te aba bwa e aki tau bwa e na tabekaki te titiraki ae ai aron aei ikai bwa e aki kona n reke te raunnano mani kaeka bwa are iai n taainako uoua te kaeka ae kaitara i boni irouia. E aki kona ni kani bwaka te itera teuana iroun are teuana ao ai antai ae e a eti ana kaeka? Ai antai ngkanne ae Ko nang ira ana koaua?

E a ngaa ngkanne raoiroin tabekan te titiraki aei ikai? Tiaki e nang kaminoi aia onimaki tabemwang ake tao a tuai naba n rangi n ota n te itera aei? E aera bwa Kam aki ota ao Kam bon aki nakoia ami Taama bwa a na buoki ngkami ni kaotai riki ngkami nakon ae Kam nang kaminoi riki ngkami ma aekaki ni kaeka mairouia te korakina aika aki ataa te itera aei ma ae a kakumea te aba ma te baibara ae aki kona ni warekia raoi ao ni kaotaia ni kanoana?

Eti are e taekinaki ae tao e boni memere aia konaa n otaa koraki aikai ao a Ti kantaningaia naba bwa bwaai ma taeka ni kabane a riai n oti n te baibara. Bwa nanona bwa a aki ota n te baere a warekia ngaia are ngke akea te taeka are e maroroakinaki ikai ae CELIBACY/CELIBATE ao a bon taku naba bwa akea taekan te aekaki ni maiu ae a mena inanona ngkai Taama.

I karautaeka bwa ngai ae I teimatoa n au onimaki bwa a bon riai n aki iein Taama ao boni taekan aei n te baibara ma kataia riki ukeria ngkami ake Kam tuai n otaa iai.

God bless

kam rabwa

Permalink Reply by TTKAB on July 30, 2009 at 5:59pm

ko rabwa Kibaimoa, I boraoi ni iango ma are ko taekinna bwa akea ae na kan konaki. are nanona bwa e na bon end nowhere te maroro ngkai tabeman a boo nako aiaki ao tabeman aboo nako meang. aikanne waaki aika riki ngkoa inanon ana waaki te Ekaretia Katorika ma naake a tangira te bitaki a end bwa kitana te rabwata are a moan waaki mai inanona ibukin tangiran te bitaki ma e aki te roko ni bwai.

n norana irou ao iango akanne aki te roko ni bwai inanon ana waaki te Katorika ma a kaoti ni katein aro aika boou. are nanona bwa naake a rangi kaitara te aki iein a bon ataia bwa akea nnen aia koaua inanon ana waaki te Ekaretia Katorika ao ana aki manga kataia tuangia Katorika bwa e riai ni bitaki. e tara ni kamanga

ngaia anne bukina are I taekinna n au moan karinrin bwa te waaki aio e bon aki kona ni bitaki ao ti bon bane n ata anne, ao naake a tangiria ni bitia a bon ataia naba ni koaua bwa a bon aki kona ni bita ana waaki te Katorika aio ngkai tiaki ngaia taan baireia ma ti arona bwa a otinako man te rabwata aio ao ni manga karaoa aia bobou teuana ae ana kona ni inaomata ni karaoi oin are a kantaningaia.

e karokonano te maroro n te iango aio ngkai e kakaokoro aron otara ma ara taratara iai kanga kabotauan ae tao ko bon aoriko ni waaki n am katei ni Kiribati ao temanna tei Samoa e a roko naba ni waeiko bwa e bure am katei.

e uara e tara ni katanginano bwa are aki ota te bwai ae ko nanonna ao ngaia e ti taraia n ana taratara ae ti aki te IKiribati ma te iSamoa. different views

I karautaeka bwa ti aki ngai te tia wanawana n itera aikai ma tao e na bwakara are e reke bwa kanoan te maroro.

e tau tekeraoi te kakario

Kakibaimoa said:

Tera ngkai otam ngkoe te tia tabeka te titiraki aei n te tai aei? Tiaki tao e nang mino riki am koaua bwa e a moanna ni manga matoa kaaitaraan te aki iein irouia Taama n aron ae a rawata riki kaeka ni kaitara aroia Taama ae ngkai?
Ao anne are e a kaman bubuti iai te aba bwa e aki tau bwa e na tabekaki te titiraki ae ai aron aei ikai bwa e aki kona n reke te raunnano mani kaeka bwa are iai n taainako uoua te kaeka ae kaitara i boni irouia. E aki kona ni kani bwaka te itera teuana iroun are teuana ao ai antai ae e a eti ana kaeka? Ai antai ngkanne ae Ko nang ira ana koaua? E a ngaa ngkanne raoiroin tabekan te titiraki aei ikai? Tiaki e nang kaminoi aia onimaki tabemwang ake tao a tuai naba n rangi n ota n te itera aei? E aera bwa Kam aki ota ao Kam bon aki nakoia ami Taama bwa a na buoki ngkami ni kaotai riki ngkami nakon ae Kam nang kaminoi riki ngkami ma aekaki ni kaeka mairouia te korakina aika aki ataa te itera aei ma ae a kakumea te aba ma te baibara ae aki kona ni warekia raoi ao ni kaotaia ni kanoana?

Eti are e taekinaki ae tao e boni memere aia konaa n otaa koraki aikai ao a Ti kantaningaia naba bwa bwaai ma taeka ni kabane a riai n oti n te baibara. Bwa nanona bwa a aki ota n te baere a warekia ngaia are ngke akea te taeka are e maroroakinaki ikai ae CELIBACY/CELIBATE ao a bon taku naba bwa akea taekan te aekaki ni maiu ae a mena inanona ngkai Taama.

I karautaeka bwa ngai ae I teimatoa n au onimaki bwa a bon riai n aki iein Taama ao boni taekan aei n te baibara ma kataia riki ukeria ngkami ake Kam tuai n otaa iai.

God bless

kam rabwa

Permalink Reply by Taarita Teawaki on July 31, 2009 at 12:12am

Ni bon kanga arona ao a bon riai n aki iein bwa are anne ae a bon tia ni butimaaia ma katauaia ao bon te babaire nakoia man mwiin te wewete are a butimwaaia, ba kanga n ootau naba ao te nakoa anne bon tiaki aia bai ao aki karekea mani korakoraia ba bon iai ae e anganiia ao man korakora ana buoka nakoiia ni kakoroa bukina nakoia, ao e bon rangi ni korakora riki butimwaaka irouia aika taan kairiri aika aaki iein nakoia ake a iein bwa are aaki kona ni manga tao n tabeaianga aia iango nte bai tera ke tera bwa n aron are naaka iai natiia ma buuia ao tao tabeia are ana riai ni karaoia ibukin te Uea ke tibangaia ao na bon aki kona n tinewaangaaeaki tao iroun buuna, natina ke teraana riki bwa ai tokin ae iai buuna ma natina ke raana riki, ngaia are bon katikuia Taama n aroia bwa are a bon rangi ni kaokoro ma aomata ba aomata aika a katabuaki ao aki berita, ma ena tii rangi ni kakawaki te tataro ibukiia ba are bon aomata naba aika bon aekakira ba tiaki tao anera ke raa, ngaia are tii buobuokiia n te tataro n taainako ba ana kakorakoraaki ao man buobuokiia n taainako.

Permalink Reply by Abitarom Evire on July 31, 2009 at 12:41am

Mauri taan marooro, e rab'a ana kaeka Mr Iona are e taku b'a e a bon nakoia Taama nanoia ngkana a kan reita ke n aki reita te maiu n takarementu ni mare. i taku b'a aio te koaua are i a kaman taekinna, b'a e aera n na aki karaoia ngkana i taku b'a i aki bure iai, ao e aera b'a n na karaoia ngkana i ataia b'a i bure iai.
e na bon nang ni kamoamoaaki riki te Tama are e keiaki n ira nanon te tib'anga are e a tia naba ni katabuaki nako iai, b'a e kakoroa nanon are e a bon tia ni iangoia ao ni kataua b'a e na maiuakinna ao e keiaki ni maiuna te maiu are e na aki kona iai ni kaaki tabena ibukin tataekinan ana taeka te Uea, irarikin riki tabena ngkana iai irarikina ana utu ake e mamaeka ma ni mamatu ma ngaiia (ngkana arona b'a e tanga).
i taku b'a tao e na bon reke iai otan te tia titiraki, b'a e taku te taeka teuana, ngkana e aki raoiroi maium, ao kataia bitaki nakon are e raoiroi, ao ngkana ko bon taku b'a e raoiroi maium, ao keiaki riki nakon are raoiroi riki ao ni kakorakorako ni kateimatoaa raoiroim anne b'a e na aki kerikaaki.
au kaeka ngkanne b'a, ngkai a tia ni maiuna te maiu n aki iein ao i taku b'a ana keiaki ni kamatoaa ao man tiku n aroia are a tia ni waaki inanona.
kam rab'a ao e na tekeraoi ara KOC.

Permalink Reply by Areruu Bobai Baati on July 31, 2009 at 9:07am

Ko raraba Taarita n nanom naba ibukia ara koraki n tama. I aki kaburei am maroro n reitaki ma nake a manga tiba waki i aon te issue aei n aron ae ti noria ba ai 100+ iango iai. E ngae n anne ko kukurei ngkana I ti buoka am taeka teuana ae ko kangai; "...katikuia Taama n aroia bwa are a bon rangi ni kaokoro ma aomata ba aomata aika a katabuaki ao aki berita ..." Tera ae ko nanona n ae a aki berita? Au ibuobuoki nakon anne ba a bon berita imatan te Ebikobo n ti te ongotaeka ao te aki iein imatana ao n aia makuri ni berebitero.

Grazie
abb

Taarita Teawaki said:

Ni bon kanga arona ao a bon riai n aki iein bwa are anne ae a bon tia ni butimaaia ma katauaia ao bon te babaire nakoia man mwiin te wewete are a butimwaaia, ba kanga n ootau naba ao te nakoa anne bon tiaki aia bai ao aki karekea mani korakoraia ba bon iai ae e anganiia ao man korakora ana buoka nakoiia ni kakoroa bukina nakoia, ao e bon rangi ni korakora riki butimwaaka irouia aika taan kairiri aika aaki iein nakoia ake a iein bwa are aaki kona ni manga tao n tabeaianga aia iango nte bai tera ke tera bwa n aron are naaka iai natiia ma buuia ao tao tabeia are ana riai ni karaoia ibukin te Uea ke tibangaia ao na bon aki kona n tinewaangaaeaki tao iroun buuna, natina ke teraana riki bwa ai tokin ae iai buuna ma natina ke raana riki, ngaia are bon katikuia Taama n aroia bwa are a bon rangi ni kaokoro ma aomata ba aomata aika a katabuaki ao aki berita, ma ena tii rangi ni kakawaki te tataro ibukiia ba are bon aomata naba aika bon aekakira ba tiaki tao anera ke raa, ngaia are tii buobuokiia n te tataro n taainako ba ana kakorakoraaki ao man buobuokiia n taainako.

Permalink Reply by Uering Iteraera on August 1, 2009 at 12:48am

Ngkana ti taraia taama in general, especially te naan RC priests ao e na korakora te mangaongao n te Ekeratia ngkana e bibitaki te waaki. Bwa bukin tera aki iein. Iai bukina n te Baibara ao iai naba bukina n te Ekaretia ni kawai. Ao bwa e aera ti na manga bibitaki. Kai e aki bibitaki kanaon te Baibara ao ae aera ti na bibitaki. Anglican Priests, A iein bwa a taku bwa e riai naba ao iai naba bukina te n Baibara. E a untaba te koaua. E aki. Ma a otinako karaki ma kiibu man te Baibara aika a kakaokoro ao a rabwata ao bon akea bureia. E bon ti bure ngkana e ribaia Iesu ao ngaira ti a manga kamaiua n ai aron are e na mwaiti buum.

A riai ngkanne n tiku taama ni bon aroia n aki iein, I-Kiribati ao n te aonnaba ao ngkana a iein taama ao bon te extra burden nakon te Church, ma are they missing out on something, NO. A tia n anga nanoia bwa ana riki bwa taan kakamwarakeia te nanai n tiibu ao akanne ngkanne bon natia. Aki Iein ao aki kona n kariki n ai aron te tia kawakin tiibu e aki iangoa te iein ke ngkana e iein ao e aki ata nanon te iein bwa bwa e babane riki nanona nakoia ana man ao e tautianiia man kakairia nakon te tabo are ana amwarake iai man mooi iai n te bong ma te ngaina n aki ataia bwa tera ae tangiria buuna mai irouna.

Ao te tama ane kan iein ni bon ana koaua ke naako kaaina te Anglican Church.

Permalink Reply by Te tia kan buokaki on August 3, 2009 at 8:21pm

E rarabwa te maroro ni kareke iango iaon aroia taama (priests) bwa a riai ni iein ke ni bon tiku n aroia. I taku bwa e na aki ti kaineti nakoia taama n tingaia ma e riai naba n taraaki naba tiina(nuns).

N au koaua i bon irou ao i taku bwa e kakawaki bwa ti na ira ana tua nako te Atua ae maiu are bon ti temanna ae ti bane n ataia n toro irouna n ti ngaia n akea riki. Ngkana arona bwa e aki bobuaka ana iango Atuara ma te kantaninga bwa ti riai n aki iein ke e kanga ao i taku bwa anne ngkanne ae ti riai n aki kaburea bwa are bon e kaukiira iai te Atua bwa tina karaoia. I taku bwa ti riai ni consult naake a bubura ongoia n te baibara ibukin buokara n anne.

kabara buren te maroro ngkana e tangibuaka.

Permalink Reply by Kakibaimoa on August 4, 2009 at 1:07am

Ko rabwa Taiau n am maroro, ao e bon eti ae Ko taku ae Ti riai ni consult naake e bubura ke n rababa ongoia ma otaia n te baibara ibukin buokara n aekaki ni itera aikai.

I boraoi ni iango ma ngkoe n anne bwa bon tiaki aio nnen te titiraki aei ni maroroakinaki bwa e aki kona n reke te rau n nano ni koaua ma e na ti kona n reke te kauntaeka are e na biri ni kaun Aro buakona. Ngaia are e bon riai n ota ao ni matata iroun te tia tabeka te maroro aei bwa e rangi ni bure ana tabo ae e kawaria ibukini buokana n te itera aei.

Ai bon au bubuti bwa e a bia aki manga reke n ara iango bwa Ti na manga tabeki riki aekaki ni maroro aikai (taekan Aaro ma aia Koaua nako) ikai ma a bon riai ni uotaki nakoia koraki ake a bon raka aia atatai iaona.

Kam rabwa riki ao kabwara buren te maroro

God bless Us All


Taiau said:

E rarabwa te maroro ni kareke iango iaon aroia taama (priests) bwa a riai ni iein ke ni bon tiku n aroia. I taku bwa e na aki ti kaineti nakoia taama n tingaia ma e riai naba n taraaki naba tiina(nuns).

N au koaua i bon irou ao i taku bwa e kakawaki bwa ti na ira ana tua nako te Atua ae maiu are bon ti temanna ae ti bane n ataia n toro irouna n ti ngaia n akea riki. Ngkana arona bwa e aki bobuaka ana iango Atuara ma te kantaninga bwa ti riai n aki iein ke e kanga ao i taku bwa anne ngkanne ae ti riai n aki kaburea bwa are bon e kaukiira iai te Atua bwa tina karaoia. I taku bwa ti riai ni consult naake a bubura ongoia n te baibara ibukin buokara n anne.

kabara buren te maroro ngkana e tangibuaka.

Permalink Reply by Five in One on August 4, 2009 at 8:25pm

e koaua i taku ba a bon maiti taian iango ao bon tii uoua naba kaekaan te titiraki anne ba a RIAI ke AKI RIAI. ngai irou ao e bon riai n tiku n arona ae ngkai ba are bon anne ae e a kaman waaki inanona te aro irouia ake ngaia aika a moan katea te aro.

Ao ngaira aika ngkai tera ara bwai ni manga kumetooa ae tiaki ara karikibai, ao irarikina naba te bai ae te aro tiaki te bai n ataei ba tiaki tii ana bai temanna ke uoman n aron te business ma bon rabwatan teuare moan te rietata iaon te aba.

• ‹ Previous
• 1
• …
• 6
• 7
• 8
• 9
• 10
• 11
• Next ›
• Page