A uara ara kaimoa ngkana e a teirake te buaka are i Iran?
Mauri ngkami kain KOC.
Ia kan katea au maroro aei are e kaeineti ma aia welfare kain Kiribati aikeke a m'akuri n kaibuken tinaniku,ma ea moara riki aikeke a m'akuri n tenan oil tankers ae a operate n te Persian Gulf.Ngkana akea ao tao ena aki rangi n relevant au post aei.
N aron ae e ataaki ao ea tia n katanoata Iran b'a n te tai are e buakanaki iai ao e na kaina te Strait of Hormuz by firing missiles at every oil tanker that pass through that strait. Te titiraki ngkanne b'a a toka ara kaimoa n kaibuke are a ririn inanon te Persian Gulf are nanona b'a a riai n pass through the Strait of Hormuz? A ataia im'ain m'anangaia nakon aia kaibuke ae e na operate n Persian Gulf ke a tib'a ataia ngke a roko n aia kaibuke? Iai te bonus ke special allowance ae e paid nakoia n kaitara te condition ae a mena iai?
Tera ae I kataia n raise ikai b'a akea tamaroan ae e na kam'anangaia te SPMS b'a ana m'akuri n kaibuke aika tao a rawa kaimoan tinaniku n tokari ibukin te itera n aron aei.
Ia kaeuatia ba kam'a reitia mai ikanne.
Replies to This Discussion
-
Permalink Reply by Johnny Boy on -
Mauri Kamaua,
Koraba ibukin am concern ibukia kaimoan Kiribati ake am makuri iaon kaibuken SPMS i Tiaman ba tera aroia ngkana e a boo te buaka imarenan Iran ao te Western Countries.
Te moan titiraki: B'a a toka ara kaimoa n kaibuke are a ririn inanon te Persian Gulf are nanona b'a a riai n pass through the Strait of Hormuz?
Kaekana: A toka kaimoan te SPMS iaon kaibuke ake a pass through the Strait of Hormuz nakon te Persian Gulf.
Te kaoua n titiraki: A ataia im'ain m'anangaia nakon aia kaibuke ae e na operate n Persian Gulf ke a tib'a ataia ngke a roko n aia kaibuke?
Kaekana: Bon 50 50 ba kokona n ataia ke kokona n aki ataia naba.
Imwain kitanakin Tarawa ao kain te SPMS a kona n tuangko ao ko bon kona naba n noria iaon am flight details ba ia am final destination are kona join iai te kaibuke ba tao nte Persian Gulf ke tao nte aono n Asia and so on.
The other 50, say for example, ko join am kaibuke i New York iaan ana present charter te CMA CGM line mai France are e run nte North and South American continents.
Imwin tabeua te namakaina e bane te charter anne ao e a manga reke ae boou. Kawaina ngaia e nang run nakon te Middle East to Persian Gulf are ko bon aki ataia mai m'aina.
Ai ngaia are bon 50 50 boon am titiraki anne.
Tekateniua n titiraki: Iai te bonus ke special allowance ae e paid te kambana nakoia kaimoan te SPMS n kaitara te condition ae a mena iai?
Kaekana: Iai ba anne e mena inanon te Contract ae te Collective Agreement. Iaan te Article 26: Warlike Operations.
Ibukin te kabane line: Tera ae I kataia n raise ikai b'a akea tamaroan ae e na kam'anangaia te SPMS b'a ana m'akuri n kaibuke aika tao a rawa kaimoan tinaniku n tokari ibukin te itera n aron aei.
Kaekana: Iai ara Agencies mai Germany ae I rangi n onimakinia ba ara experts ao atai bainikabane aron te situation ae ko mention n am post aio. Akea te nanououa ma taian kanganga ba a bane n nori naba ao ata aia safety kaimoa. Atai kawain kaibuke n taabo nako ake a mena iai ma aia kanganga engae ngke a kakaokoro kambana. Ti teuana ai aitoman ba a bane ni go through this SPMS Agent I Germany. Akea ae kona ni force naki ba e na tokari kaibuke ba e bon inaomata te kaimoa.
Tekabanea: I taku ba bon akea te wana te kaibuke ae e kona ni pass te Strait of Hormuz nakon te Persian Gulf ngkana e a bon roko tain te buaka ba e rangi too risky ao ena bon close te entrance anne te UN man announce ba are ai bon Exclusive War Zone Area.
Ko rangi n raba riki ibukin am concern ao are ieta.
Tekeraoi
-
Permalink Reply by Kamaua Tirae on -
Mauri JB
Akea ae kona ni force naki ba e na tokari kaibuke ba e bon inaomata te kaimoa.
Ko nang rab'a n kab'arab'araan ana itera te SPMS n aron kam'akuraia kain Kiribati iaon ana kaibuke i tinaniku, ma tao bon iai te kai-ni-baire ibukiia tenaan kaimoa ngkana arona b'a e kawiaaki menan aia kaibuke inanon te Persian Gulf ma teiraken te buaka. Ko nang rarab'a riki. Ao te kan oota n am taeka ae "Akea ae kona n force naki b'a ena tokari kaibuke b'a e bon inaomata te kaimoa." Tera ae nanonaki? E kona te kaimoa n bita ana kaibuke ngkana e aki kan toka n te kaibuke ae e ataia b'a e na operate n te Persian gulf without being penalised ke e kanga?
Ma I taku b'a e bon ataaki naba ae tiaki ti te SPMS ae e kam'akuria kain Kiribati n kaibuken tinaniku, b'a bon iai naba ana kam'akuri te agency ae SOAC ke e kanga raoi etin ana initial. Tera ngke e kona naba n ongora te aba aron tararuaia aia kaimoa.
Tao I a toki moa ma kam'a reita te maroro ma te kan ongora.
E rab'a.
-
Permalink Reply by Johnny Boy on
-
Mauri Kamaua,
E koaua ae tao e aki rangi ni matata au kabarabara iaon te kibu n taeka anne,
"Akea ae kona n force naki b'a ena tokari kaibuke b'a e bon inaomata te kaimoa."
Aio ngkanne kamatatana:
1. Ngkana tao am kaibuke are kona nako iai e biri nte Persian Gulf ma koaki kukurei iai iaan kakoauana ba iai rekerekena ma te bobuaka n aron te buaka ao te spms e aki kona ni kairoroiko, akea te kanganga ngkana ko kan bita am kaibuke ba koa aki kukurei iai ke tao koa bon kan join ba e a bon roko moa tangiran te cents ao e rawata riki iai te bonus. Akea naba terekenikai iai ae nareke nakoim. Koa manga taninga te available requirement are i mwina ngkana ko aki kan nakon anne.
2. Aio te katoto (example) teuana ae e bon anganiko inaomatam te SPMS ngkana ko kukurei ke koaki kan n tiku nte kaibuke ae e aki safe:
Short story: N 2009, ao i toka n te kaibuke ae run mai Jebel Ali, UAE nte Persian Gulf nako Eastern African Coasts. Kenya ports etc. Te tai aio ni karokoa taai aikai e bon rangi n ataaki nte aonnaba te area aio ibukin te high risk of piracy. E rangi ni rawata te kaibuke ae atia n tauaki e ngae ngke i bon iai naba kain UN patrol boats aika tia n mwiokoaki ba ana tararuaia. Te Gulf of Aden ea moa riki safe nakon are ti biribiri iai are te eastern coast of Africa back to Persian Gulf.
Nte tai aio ti bon layup, no employment for this vessel ao tia kaongoaki te news ba e a reke tewana kaibuken te kambana (ara sister ship) aio irouia pirates ake i Somalia. A toka iai kain Tuvalu. Ngaira ngkanne tia tuangaki ba tina manga run n onea mwin te kaibuke aio n continue ana charter.
E rangi n ananau te story ma ia kauarerekea naba: Te bai ae riki ti bon aki kukurei ao ti korea ara letter ni protest nakon te kambana. E roko boona ao ti bon anganaki inaomatara ba anne e kan oki nako Tarawa ao akea te kanganga. All expenses e na bon kabaka te kambana. Te bai ae kaoraoia te kambana e bita kawain te kaibuke nakon ae safe ao akea ae kan oki nako Tarawa ba tia manga bon kukurei iai.
Anne ae i kananona ibukin ae akea ae kona ni force naki ba e na tokari kaibuke aika aki safe iai.
Ibukin am titiraki aio:
"tao bon iai te kai-ni-baire ibukiia tenaan kaimoa ngkana arona b'a e kawiaaki menan aia kaibuke inanon te Persian Gulf ma teiraken te buaka."
Kaekana: I aki koaua raoi iaon aio ba i kawa n anganiko te wrong answer ao te kanganga mwina.
Ma au iaongo ba iai naba iaan are te Contingency Plan. Kain te SPMS i Tarawa a kona ni bukiko iaon aio ngkana korangi ni kan ataia.
Koraba ngkana e kaeka am titiraki ke aki.
tekeraoi riki
-
Permalink Reply by Tion Neemia on -
Mauri Kamaua, e rangin rabwa am post aei ao e koaua ti riai n tabeaianga irouia ara kaimoa n aekakin itera aikai. Man ara itera ngkanne ao akea moa ara kaimoa ae atia ni mwananga nte tai aei ke n tia n tokarii tankers, etc... Ma ibukin te kan ongora bwa tera aroia ara kaimoa ngkana arona bwa ea reke te mananga ao n rekereke ma te issue, ao iaan te contract ae tina waaki iaona ao bon ti te arona naba ma ane ea tia ni maneweaki iroun JB.
-
Permalink Reply by Tion Neemia on
-
ao ibukin aran te agency bon SAOK(Shipping Agencies of Kiribati).
-
Permalink Reply by Rutio Mataneai on -
I taku ba a bon aki kona n rootaki ara kaimoa ngkana arona ba e na waaki te buaka i Iran ma ngai n au katautau ao e bon aki kona ni waaki te buaka anne ba e a moanna ngkai n oti nanon America ao te naan Western Powers ae a kakarekea aia excuse ni buakana an oil rich country n te aro bwa a na bwaibwai n ana oil. Ngai n au koaua are a na rawa aia bootannaomata aba akanne n aron USA ao other European countries n support te buaka i Iran ngkai a tia n noora buakanan Iraq ma Afghanistan ae e karaoaki ni bukina ae raba ae bon taekan iangoan tauakin oil n aaba akanne irouia Companies mai abaia.
Anne ngai au iango iaon taekan te buaka iaon Iran ngaia are akea te raraoma ba e na bon aki waaki te buaka i Iran
-
Permalink Reply by Kamaua Tirae on
-
Mauri Tion Neemia
Ia rimoa moa ni kabure bure ngkai I kaburea ana intial ami agency ao ko rangi n rab'a ngkai ko kaetai. E rab'a naba am aotaota n ana itera ami agency anne n iaon te itera n concern ae I tabekia ikai.
Ko rab'a
-
Permalink Reply by Kamaua Tirae on
-
Rutio Tokintekai, Mauri.
E rab'a am maroro are ko kaota iai am katautau ma am iango ae ena bon aki kona ni koro nanon ana iango America ma aba te EU n buakana Iran ngaia are ana bon akea te kanganga nakoia kaimoan Kiribati are a makuri i overseas. E koaua ae e rangi n taetaekinaki ae a fedup kain aaba aikanne n te bubuaka ae a rangi involved iai ao kanga a bon aki nora riaina. President Obama mai America bon anne ana taeka n campaign are e na kaokia te nati n America (tautia) man te aono arei ngkana e beretitenti, nanona tao ena bon bae n aki kona n waaki ngkai e beretitenti, ma I taku b'a ena toki ana term inanon te ririki aei ke ae na roko. Aban te EU tao ena bon kaangaanga naba kakoroan nanona irouia ngkai ana economy iaon kawaina n collapse into a major recession. Titebo naba ma ana economic condition America. I kakoaua ae aan kan buakanakin Iran bon ibukin ana oil ma a taku tabeman b'a oina raoi bon te b'ai ae aranaki b'a te PETRODOLLAR, anne ae bon buroon kaub'ain America. Te oil n te aonnaba e kaboaki n te US Dollar ao Iran e nang katoka anne, enang tauraoi n kaboanako ana oil n tiaki te US dollar. Ngke ngkana iai ae kataia n tuukia aomata b'a ana aki boob'ai n am store, how would you react?
E rab'a.
Photos
Birthdays
Birthdays Today
Videos
-
Nikiranroro
Added by Bhope 0 Comments 0 Favorites
-
Butt Rip Joke
Added by kirimac 1 Comment 2 Favorites
Badge
© 2012 Created by Mr.Ambo.
