E AKI KONA N SINK KIRIBATI...Antai ae e taku bwa e na sink ?

Bon akea ae kona ni prove anne...ke iai?

Replies to This Discussion

Permalink Reply by Terubentau Akura on August 1, 2011 at 4:14pm

E bon kaaangaanga ma ni kamiimii aron iangoan te Climate Change ma ana urubwai e bon koaua. Tera am iango ngkoe kain te kaawa ae Tebunginako i Abaiang? Ao ngke tao arona bwa ko maeka i Bikemaan i nuukan naman Tarawa. Ngke e kanakinako biken ke mataniwiin biken am kaawa tao kona titirakina Atuam bwa e kangaa ni karaoa aio. Ma ngai are i mweraoi i Amerika I aki noora am kaangaanga ke tao i bon nooria ma i baka n aki nooria ao I aki kan tabeakiniko. I bon ti tabe ma kaikoan kaubaiu, rawatan au mwane bwa nna mweraoi n taai nako ao ngkoe ko na tiku ni mwebuaka ao n tokina ko na betinako ni mate i marawa.

E riai te tauraoi n aron are e taekinna ara Beretitenti ae karineaki. E riai karaoan te mwakuri n aron are ae e karaoia ara Tautaeka inanon botakin te UN bwa ana aongo Tautaeka n aaba aika bubura man kaubwai ni karaoa te beku ae tamaroa ibukin kauareerekean ana urubwai te Climate Change.Tao ana kona ni iangoia bwa ana karaanganakoa iteran kaubwaia nakon Kiribati bwa e na kona ni katei ana bono imataniwiin ana bike ma taari ake a kanaki, ke tao e na ni kaboongana ibukin karekean aia solar home system kain abamakoro. Anne e aki tau ma a bon riai ni kauarerekea katinakoan aia boitin are ngaia ae e reke mai iai aorakin te aonnaba ae ti aranna bwa te Climate Change.

Ni bon au iango te Climate Change bon ai aron te atom bomb ke te nuclear bomb. Ana urubwai e riaon te iango ma ni kamiimii, ma, e bon koaua. Teuana te nuclear bomb e kona ni kamaunakoa te atimakoro ao e kona n tiringiia mirion aomata. Ti tanrikaaki ao ti noora ana urubwai iaon te atimakoro ae Bikini Atolls. Ti kakoauaa bwa tiaki ana karikibwai te Atua. Bon ana karikibwai te aomata man aaba aika kaubwai. Kain Amerika aika aranaki bwa Taan Rabakau ma Intinia n te taanga ni buaka aika a kabaia man karaoai. Ti kakoauaa ana urubwai imwiin karebweana iaon te kaawa ae Hiroshima ao Nagasaki i Tiaban n te ririki 1945. E kamiimii ma e bon koaua. Mirion ma Mirion aika a bua maeua inanon ti tabeua te tai ao Mirion ma Mirion aika aoraki man mate inanon ririki aika a bati ni karokoa boong aikai iaon Tiaban ao Bikini Atoll. Aaba ke aomata aika ti tabeman aikai a taku bwa a rangin wanawana ma noorana ao n taraakina iroun te IKiribati ke kain Bikini Atoll bon te ting ao te nanobaba wanawanaia. A bon ti iangoiia ibon irouia bwa ana teimatoa ni kaubwai ao n taua te mwaaka. Anne ni uarerekena bon te Greed ao Materialism.

Ni bon au iango naba, ao te climate change bon kaanga ai aron naba te global economic crisis. I katitebooa iangoan baikai n te itera are bon ana karikibwai te aomata ao Tautaeka aika ti araniia bwa a riao wanawanaia ma kaubwaia. Amerika, Europe, Asia Middle east. Teraa ae e riki ngkai n te global financial crisis. Ara reserve fund e keerake ao e keerikaaki ti man ana impact te global financial crisis. Ngkoa mwanen Aotiteria e uarereke ana value ngkana e rairaki nakon te mwane n Amerika. N taai aikai e amanga bubura kanoana riki nakon te mwane n Amerika. Au point bwa e aki raoiroi aron te waaki ae ngkai ibukin tibwatibwaan kaubwain te aonnaba inaon te waaki ae Capitalism n aron ae waaki inanona Amerika ma Europe ao Asia ma Africa ao te Socialism n aron ae waaki iai Russia, China ao aban te komuniti. E riai ni kakaeaki angan katamaroaakin ao tibwtibwaakin raoi kaubwain te aonnaba. Nningai te tai are e kona n riki manen te aonnaba bwa ti teuana? Nningai te tai are e kona iai ni kamaunakoaki matan te poverty man te aonnaba aio ao e na reke iai te tamaroa n aron te itera ni maeu nakoia mirion ma mirion kain te aonnaba aika a rotaki ngkai man te baki ao te aoraki ibukina bwa a raarikin n te mwane n arora ngaira kain Kiribati?

Aron waaki n aron te Global Financial Crisis, te Nuclear Bomb, te Climate Change a rorooti aia urubwai ma aia kamwebuaka nakon maeura ngaira aika ti aki kaubwai man rinano abara ao ti aki rootii wanawanaia ana kabanea ni wanawana Amerika, Europe, Middleast, Africa, Asia etc.

Te climate change n au iango e bon korakora riki ana urubwai nakon te atom bomp ngaia are e riai Kiribati ao aaba aika rinano man uareereeke ni ikarekebwai ma aaba aika bubura ibukin kakaean aanga ma waaki aika tamaroa bwa e aonga ni waekoa katokan ao/ke kauarerekean ana urubwai.

Te nuclear bomb e karaoaki mai irouia aaba aika bubura ao ni kaubwai. Bon te arona naba ma e climate changeE bon riki naba te climate change man ana karikibwai te aomata ao tiaki te Atua. Kain naba Amerika, Europe, Asia, ao aaba aika a wanawana kaaia man kaubwai ae a karika matan te climate change. Te atom bomb ke te nuclear bomp e ti rebwe ngkai ao inanon tabeua te teekan ao e a urbwai naba man tiringii bwaai ke baika a maeu. E aki kona n reke am tai ni birinako man kamanoko man ana urubwai. Te Climate Change e waaki n tiritiri teutana imwiin teutana ao e bon reke ara tai ma ara Tautaeka ao kain ma Tautaeka n te aonnaba ni kauarerekea ana urubwai. E bia waekoa n roko te tai are e na bon mauna katinakoan boitin man taian gas aika barekareka nakon ara otabwanin.

Te aomata ke te Tautaeka ae ae wanawana bon are e nangoa waena n te tauraoi. E ataa te bwai ae e na kona n riki inanon ririki aika ana roko ao e karaoa te mwakuri ibukin katokan te kaangaanga ao e kakaea te anga ae e na maeu iai ana botannaomata ma natiia ao tibuia inanon ririki ma rooro ngkai ao aika imwaira.

Ko rabwa te tia tabeka te kaoti ao ngaira ni kabane.

▶ Reply

Permalink Reply by Teraeiangoaki. on August 11, 2011 at 5:03pm

I kukurei n tibwaa mwiin au reseach ae I a tia ni karaoia naba iaon te topic aei

Mwiin ngkanne au reseach n te topic aei ao Kiribati tao e na bon aki sink ma tao e na bitaki ana shape.I riki n taekina aio bwa man mwiin au reseach are i karaoia i Bonriki ao iai tabeua taabo ae e a bon rangi ni korakora iai te kanakinako ao iai naba taabo aika e a nang korakora iai te riki.

Ngaia are tinang uantamaanmaan mai ikai bwa e na sink ngke e aki.

Ao kam rabwa riki n ami tabeka