Replies to This Discussion

Permalink Reply by Thomas R on December 30, 2011 at 6:46pm

Mauri Turerei.. I mena ikai ibukin buokan te kaotaota naba...

Eeng ao anne n ana koaua Tewatana ma n aron ae ataaki ao e katiaaki te report iroun te commission of enquiry are e roko ni mwakuriia i Kiribati. Teuare e kaira te commission aio I rangi ni kinaa bwa ea tia naba n ibuobuoki ma te rabwata ae taan moti i Kiribati ibukin naba aia kataneiai.

Are nanona e tia raoi te report ma te bwai ae e taekinaki iai bwa e aki tia ngkai akea te action ae karaoaki nakoia akee iai rekerekeia iaan bukina naba aika aaki ataaki. Tao kona bae naba n uringa te case are Uean Te Raoi. Ea tia naba te case aio mai irouiia ana taan kakae rongorongo kain naba te commission akee a karokoaki mai NZ. Tera ae otinako akea naba te bwai ae riki. Taan investigate te case akee a kaoaki bon aomata aika iai aia konabwai iaon te tua i taari. E tia naba te case aio ao akea naba te action ae karaoaki engaee ngkee e tatakarua te NZ High Commissioner iaon Kiribati ni kataia ni kaira te tautaeka nakon mwiin te kakae ma te tautaeka e matuu matana ao e bono taningana.

Kona karaua raoi ni katinea bwa e ngaa ae rawawata riki buan te mwane man Jasmine 9 kee buan maiuiia aomata man Uean Te Raoi. Koa kaota am reke n am karebaoki bwa te Atua ae maiu ena anganiko  kabwaiam man am rinerine raoi.

Ko rabwa ao au kantaninga bwa e na reke naba ana ibuobuoki au maroro ae uarereke aio.

Tekeraoi ami waaki ni katauraoi imwain 2012.

• ▶ Reply

Permalink Reply by Mr Turerei on December 30, 2011 at 7:33pm

Mauri naba Thomas,

Nna butimaea naba am kabarabara aio ao au kantaninga ba kona nora naba koauan aio tao engae ngke tiaki ngai are i mena n te nakoa n te tai arei ma ngkai e taekinna Tewatana ao ngaia ae i kan kakaea naba koauan aio ma kanga bon te kanano kawaki te waki aio. I miin au wareware ao ko kakoaua ba e bon kairua te bai are karaooaki ba bon iai bukina ae barekareka ao ti kona ni kangai e bakatae,,,,,,,,

Tao au katine ba enga riki ae tamaroa buan maeuia aomata ke buan ana mane Kiribati are bon ngaia n tatabemanira nako. Tao nna kaineta moa au maroro ma te kanganga are kabua maeuia aomata,,, te kanganga aio i taku ba inanon ana rabata te tautaeka ao e katannakoi tabeia taan makuri aika kakaokoro ma ngaira naba aomata ti kakea bonganan maurira n tainako ao ti kakewei aia bai imatang ma ngkana tia reke n te kanganga ao tia tiba uringaba.,,,,ma akea ana mane Anote ae reke man te kabuanibai aio. Jasmine 9 e rangin uarereke kaekakina ba e kabuaki te mane are tao ena bon kona n reke iai buokaia tabeman ao riki bon iai aika kanoaki buaia ao ni baibai n ana mane te  botanaomata are ena bon riai n reke nakoia ngke arona ba eaki kabirinakoaki te kaibuke.

Ena iranaki ma Ia katekeraoiko naba ni butimaean te ririki ae boou 2012 ma kain am utu ni kabane ao kanoan te ririki 2012 ibukin tibangam ae kakawaki. Te mauri Te Raoi ao Te Tabomoa iaora n tainako.

• ▶ Reply

Permalink Reply by Fr Teatao Tekitanga on December 30, 2011 at 8:28pm

Mauri taan maroro.

E rab'a am maroro Thomas. N am taeka aika ae "e ngaa ae rawawata riki, buan te m'ane ... ke buan maiuiia aomata," ao e rangi ni matata te gravity of those sins. They are both morally wrong. They are both evil. Ma n na kaea nanon ami maroro. "buan te m'ane ..." iai aika a bon mabiao iai ao akea irekerekena ma Anote Tong b'a e itiaki iai.  Ao buan maiuiia aomata, e rangi ni kananokawaki aei ma akea irekereken naba ma Anote Tong b'a tao e karanga te waa, ke te babaire iaon te over passengers ke te contruction of the boat, ma tera ao ter. Ma e kataia ni kabanea ana kona ni karaoi babaire ibukin kamaiuaia aomata.

Kam rab'a.

God bless.

• ▶ Reply

Permalink Reply by KatNem on December 30, 2011 at 9:40pm

E rangi n rabwa Thomas n ana kabwaranako iaon te kakaea ibukin te Jasmin9 n raonaki ma ana kabootau nakon Ueen te Raoi.

Au titiraki nakoim Thomas ngkana e tamaroa iroum. Tera ana kairua Pres.Anote Tong ni irekereke ma kabuanibwain Ueen te Raoi. E resposible n te mwananga anne ke tara raoi te kairua iai?? Taiaoka bwa ngai naba temanna te tia kan oota imwain te tai.

ko rabwa.

• ▶ Reply

Permalink Reply by Tom on December 31, 2011 at 12:50am

N otau n ami maroro ngkami aika kam tangira te Tautaeka aio ao aio tein otau n ami kabarabara. Ngkana bwai aika ana koraoi n aron te mwane ni buoka man Taiwan, reireia ataei ni Kiribati itinaniku ke te nan Scholarship ao kam anga te Credit nakon antai? Anote Tong... e ngae ngke tao bon akea irekereken Anote ke akea ana taeka iaon mwane ni buoka ke te nan Scholarship ma antai ae e nakoina te credit ??? E nakoia te nan Officer ake a tabeakini itera aikai ... NO eaki bwa e nakon te Tautaeka are nanona bwa e take te credit n tainako Anote Tong man raoiroin aia mwakuri taan mwakuri ake a karaoi raoi tabeia ao ai tii te arona naba ngkana iai te mamara ke te kairua ae e riki nakon te waaki antai ae ena okiraki iai?? Akea riki bwa bon ti Tautaeka are nanona bwa Anote Tong ae ena okiraki. Kam rabwa ao tekeraoi ami rinerine aio.

• ▶ Reply

Permalink Reply by Thomas R on December 31, 2011 at 2:05am

Mauri Neenem.. Ko rabwa naba n nanom ni kan uataboa te maroro iaon te tabeka aio. Ao ngkana ko kan kakaea rekereken Anote ma te kabuanibwai aio ao I kona ni kangai bwa are ngaia ngkai ae tobwa aio kabwaranakoana ae moan te broad ma ngkana ti specific ao I kona ni kataunaria ni kangai bwa e aera akea rekenikaia taani bwaibwai n te waa arei ngkai e oti raoiroi man aia kaotioti kaain te botaki ni mwakuri ae te Communication  bwa e tuai granted te License ao ngaia te Kaben arei akea naba ana bebwa n uota te waa anne. Taani bwaibwai aera aaki kabomwii kee ni kairororaki man te tautaeka bwa ana kabomwii???. Aikai tabeua akee I kona iai ni kotea te tautaeka aio bwa rekerekena ni kabotauaki ma aia bukibuki taan maroro naba. Ao I katea au titiraki ae kangai bwa engaa riki ae rawawata bwa buan te mwane kee buan maiuiia aomata. Ma n taian kaekaeka ao e karako maroroakinan buan maiun te aomata ma ngaia e korakora riki kokoon nanoia ni buan te mwane.... E aoria bwa are anne bon ana kataunaari temanna ma temanna ma au onimaki bwa te Atua ae maiu ngkoa ao ngkai ngaia ae ena anganga te tamaroa n taainako nakoira ngaira kaain Kiribati.

Ko rabwa riki ao ena tekeraoi kanoan te kaririki rioum ma am utu.

• ▶ Reply

Permalink Reply by Tokintekai Uereti on December 31, 2011 at 2:15am

Mauri Tom,

Iraoniko n am koaua are bwai aika riki n ana waaki te tautaeka bwa a kakukurei, ke a kananokawaki, e riai ni bukinaki iai te leader.

Aio naba kanoan te good governance, accountability, ao transprancy, are aki toki n taaekinna ara boto n ara auc n tei.

Tekeraoi am kaririki!

TU

• ▶ Reply

Permalink Reply by Tarau Bauia on January 11, 2012 at 7:27pm

Mauri Tokintekai, e teke nanou n am taeka ae transparency? Ngkana iai am business ao ngke te candidate nakon te Beretitenti ena rota am makuri ni kairiri ke aki?

Ko rabwa

• ▶ Reply

Permalink Reply by Thomas R on December 31, 2011 at 2:31am

Mauri te tia tabeka...Turerei

Tao nna kauarereke ni kangai bwa ngkana te koaua bwa ko bukina ana tautaeka (KTIK) Teburoro ibukin aki katiaan te ribooti iaon birinakon Jasmine 9 ao I kani butiko butiko bwa eaera ko aki naba katanaoataa aki katiaan ana ribooti Uean Te Raoi iroun am tautaeka(BTK). E uringaki irou kibun te boki ae tabu are kona tai taraa te aneke ane inanoni matan tarim ma kona taraa moa te oka anee inanon matam. Kee kangaa ngkoa koa kaetia mai ikanne..

Au kantaninga bwa ngkana tii kaain takaruai aikai ao ana reke riki naba otaia raora inanon te KOC ao ti aki kona n atongaki bwa taan aonikai ngaira.

Ko raba ao kabwara buren te rongorongo ngkana iai.

Tekeraoi.

• ▶ Reply

Permalink Reply by KatNem on December 31, 2011 at 9:36pm

Mauri Thomas, Ko tuai kaekaa au titiraki nakoim mai i eta are e boboto iaon rekereken Anote ma Ueen te raoi ibukin te report. Taiaoka bwa tina kaotaira n rekereken Anote ma Ueen te raoi.

• ▶ Reply

Permalink Reply by Thomas R on December 31, 2011 at 10:46pm

Mauri Neenem O.. I taku bwa e atia ngkana ko wareka au maroro akana ieta. Ena oota iroum ngkai a bukina ana tautaeka Teburoro ma Jasmine 9 report ao anne ena riai naba ni kaboraoaki ma ana tautaeka Anote. E uara anne????. Ao eaera kona titiraki rekereken Anote iaon Uean Te Raoi report???,iai iroum kakoauaan Teburoro bwa iai rekerekena ma Jasmine 9????. Ao takin ikai bwa ti aonga n ataia ma ngai I kabotauiia uakai ngkai aaki otinako aia report properly ma a otinako n te aro ae aki eti. Ena iranaki ma e kakawaki Good governance and transparency. Taiaoka ma wareki au maroro akana ieta ao koa kaeti ngkana iai aki etiia.

Ko rabwa ao tekeraoi 2012.

• ▶ Reply

Permalink Reply by KatNem on January 1, 2012 at 4:10pm

Mauri riki Thomas R. E rabwa am reply nakon au titiraki nakoim. Ibukin am rongorongo ao i kan kaotia nakoim bwa Teburoro iai rekerekena ma kabirinakoan Jasmin9 ao anne bukina are e riki ni kainaki te kakae rongorongo iai ao man kabuaaki taekana ni karokoa te tai aio. Tao e aki ataaki iroum anne ma ngai i ataa aio bwa ngai temanna te bureitiman n taai akanne are e rangi n tataekinaki iai irekereken te President ma birinakon Jasmin9 n te tai anne. Anote i kan ataia bwa tera raoi rekerekena ma te kabuanibwai ngkai ko maneweia? Kabwara au bure n au maroro aio ma i taku bwa ti riai ni kaai ni ibuobuoki n te aro bwa ti aonga raoi n oota imwain te tai.

Kona tekeraoi ma am utu n te kaririki aio.

• ▶ Reply

• ‹ Previous
• 1
• 2
• 3
• Next ›
• Page