Replies to This Discussion

Permalink Reply by Namy on July 30, 2010 at 1:41pm

Boata,

Mauri! E rab'a te kaeka. Ao ibukin ngkanne ngkana arona b'a tao a m'aing kain Kiribati, ao tera am iango b'a ana m'aing nakea?? E a tia n reke te tabo ae a kona ni m'aing nako iai?? >Ao ngkana tao a m'aing ao kai aba naba i tinaniku a bon reke naba n te kanganga n aron te earthquake, te urarake, te tornado ao kai a bati b'aai aika a kakamaku n aban tinaniku. Ao teuana naba te rabakau mai Japan ao ana rabakau temanna tei Switzeland i aki ata arana b'a antai ma e bon rangi ni kanganga ae e na roko te m'aiei ke tao tera riki ibukina teuana b'a e bon mena inuka ao tao tera are aranaki b'a te ring of fire, kam'a bon kab'arab'ara b'a are tao a bubura riki ami rabakau iai n ami tabo ane e aki roroko iai te buaka. E rab'a riki ao tekeraoi te maroro n aron aio!!

• ▶ Reply

Permalink Reply by Riibeta Abeta on July 31, 2010 at 3:00pm

mauri kaain te marooro aei!

e rang n nakoraoi te marooro ao ngkana kam kariaia ao nna tii tibwai tabeua koaua aika oioi man rabakau ao kakaei akee e wene iai ngkai te aonnaba iaon tebwai ae "bibitakin kanoan boong" ke "climate change".

Oin te bwai aei e moan kuneaki man namakinan te kabuebue ae tabe n rikirake are kakoauaaki inanon bwa e tibwa birirake inanon tabeua bwii n ririki aika nako (90s). te observation inanon tabeua ngaa n ririki n nako (1000 years) ao e kakoauaaki ae bibitaki tekabuebue ma e teimatoa n manga bon okirikaaki (variability at minimal temperature). Te kukune ibukin rikin aei (biriraken tekabuebue) e kakoauaaki ngkanne bwa riki mai mwiin aia mwakuri aomata ni moan waakin te karao bwai (industrialisation). Tenaan gases akee emitted man aia mwakuri e kakouaaki ngkai bwa ngaia oin kakorakoraan te kabuebue ae rikirake ngkai. Te kabuebue gaia buroon te weather (drive te weather ke climate). Ibukin te bitaki aei ao na kakouaaki gkanne bwa na bitaki te weather - climate change....ao na rotii mwakoro n aiati akee mena iaon te aba (glaciers, greenland) ao ni konaa n karietaa iabutin taari.

te koaua ni koaua ao ngkana e aki toki te emissions ao te bitaki aei konaa n roota ana konabwai te aba n konaa n kamanoa man te kanganga aei. ngaia are e koaua aia taratara unimwaane ae a noora te bitaki n taai akekei...ma e teimatoa ni manga okira arona bwaai akanne....ma te bitaki aei ngkai.....gkana e oota ao kaanga tebwai ae boou ao tebwai naba ae tabe n rikirake ao tia mena inanona ngkai.....ao taian kakai ma kangaanga ana oti rimwii riki ngkana arona bwa e aki moantaiaki ni katokaki te mwakuri n emissions.

te ring of fire...te ara ae katonuaki ibukin tenaan toma n ana crust te aonnaba are otabwabwania tepacific...mwaingingin tenaan belts aikai ngaia are karika te earthquake, tsunamis ao volcanic activities. aio ngkanne e okoro ma rikin climate change....nanona ngkanne bwa tsunamis, earthquarkes, etc ma climate change bon bwaai aika okoro.

te titiraki gkanne ibukin te biri nakea??? e tiku iroun te tautaeka ma ana kainibaire.

noora ana site te tautaeka aei ngkana e na ibuobuoki nakoimii ibukin ana waaki te tautaeka iaon kaitaraan kanganga aikai. reitaki ma koraki akana oti nte site anne ibukin ami iango ni kakaota ao ni katamaroa...

http://www.climate.gov.ki/strategies.html

Kam rabwa ao au kantaninga bwa na ibuobuoki tabeua akanne nakon buokan riki temarooro.

Tekeraoi ami waaki nako

• ▶ Reply

Permalink Reply by SUNGOLD on August 1, 2010 at 4:16am

Ana manganga iango n aron te kaoti aei, ao bon iango aika ana oinibai ngkana akaei ieieaki. Te katamaroa nakon aio bon ara konabai ngaira ngkai, man te tai aio ba moantain taekinan ara tabeaianga bon moantain naba totokoan ngke kaurerekean kanganga aika ti taku ngke a taku taan rabakau.

I kauataoa riki te kaitau nakon te kaoti ngke te tabeka aio n aron ae taetakinaki, ba naki riki ba birimeren ngke tinewangaean tabeu ngai are tatanei iai ni kakaraoi n te bong koraki(outer island peolpe) ma raonakina inano te bong ae koraki ao riki bon ngaia naba are civil servent.

E raba te iango ao tao aio moa are ngkana kona n tiba naba nakon te kaoti aei, kam raba ao tekeraoi

• ▶ Reply

• ‹ Previous
• 1
• 2
• Next ›
• Page