Replies to This Discussion

Permalink Reply by ULMO on January 13, 2012 at 7:27pm

E rabwa te kaongoraa mai ikanne.....

• ▶ Reply

Permalink Reply by Fr Teatao Tekitanga on January 13, 2012 at 8:14pm

E rab'a am kaongora ae live ngkebong n ua e ngaina. Ko rab'a nakoira ake e aki kona n reke te ongora n rerio. E raoiroi riki am record aei b'a e matata riki. I aki bae n noria b'a iai naba ae I a tia ni post ikai. E matata riki am rongorongo aei.

Ko rab'a. E tekeraoi ara Tautaeka ma ara Beretitenti ae Anote Tong.

God bless

• ▶ Reply

Permalink Reply by Intia Tiua on January 14, 2012 at 9:15pm

Ko rabwa Martin n am post aei. E teretere iai bwa e rangi n mwaiti riki ae e tangira te bitaki ngkana ko ikota ana bwi Tetaua ma Rimeta, bwa are uaakai aika a rabwatana te bitaki. Nanona bwa ti a tautaekanaki ngkai iroun te minority. E tau, ti a karaua nanora naba iai bwa are aia bure taan tei ibukin te bitaki aikai bwa are e kamangaongao temanna mai buakoia. Tera ngke e kona ni manga reke angan kaetakina e aonga n okiraki ana principle 'democracy' are "the majority rules." Tekeraoi ngkami

 

• ▶ Reply

Permalink Reply by Kobaki Naaua on January 15, 2012 at 6:54am

Intia, akea au nanououa bwa e kaea etina te democracy principle are ko mwaneweia. Ea rule ngkai te majority ma tiaki te minority!! Am formula are ena botaki ana bwi Rimeta ma Tetaua e undemocratic ao e ritinanikin te kantaninga ngkai eaki kakaraoaki anne!!

Te titiraki naba ba kona kanga n taku ba ake a rinea Rimeta ngaia naba aika a tangira Tetaua?? Akea etin ao koauan anne.

• ▶ Reply

Permalink Reply by Chevalier on January 24, 2012 at 9:24am

Mauri Intia, e a tia aron te rinerine ao e koaua ba iai aika a rauaki mani kukurei iai ao tao iai naba aika e kaokoro aia namakin ma aia iango iai.  Tao ti kona ni kangai ba aio mwin te rinerine ibukiia parties aika tenua (3). Ngke tao arona ba tao bon ti uoua parties aika a na rineaki aia aomata ao tao e na kaokoro mwin te rinerine. E tau, ti a karau naba nanora imwin aia rinerine kain Kiribati. Te bai ae e kananokawaki ba ngkana e ikotaki maitiia te koraki ake a aki rinerine ao bon te maiti naba ae e bubura. N te tai aei ao ti a booti nanora ni katekeraoa te party are e tokanikai ma te kantaninga ba a na keiaki ni karaoi naba taian bitaki aika a tamaroa n te aua n ririki ae imaira. Tekeraoi te maroro!

• ▶ Reply

Permalink Reply by Sei Paul on January 14, 2012 at 10:54pm

E bati n rabwa te Kaongora...

• ▶ Reply

Permalink Reply by Mr Turerei on January 15, 2012 at 3:51pm

Mauri ngkami,

E bon kamimi ao e bon katounako naba aron manga rinean Anote Tong irouia kain Kiribati ba aia Beretitenti ngkai e bon rangin korakora tangiran te BITAKI n aron ae tataekinaki irouia aomata ai moarara riki n ara tabo ae BTC ao TUC are bon ngaia ae ana kona ni karekea te BITAKI iaon abamakoron Kiribati ni kabuta. Bon te titiraki ba tera ae riki n tabo aika uoua aikai ngkai bon akea taan tei aika mena n te party ae BTK? Tera ae karika bitakin aia iango? Taiaoka ngkana iai ae kona ni kaeka aio ba tiaonga raoi n ataia?

• ▶ Reply

Permalink Reply by Tion Neemia on January 15, 2012 at 5:55pm

mauri ao e koaua anne, tao ena bae ni buokira iai Teweiariki bwa e kakaongora te bare ana analysis ao tao ai bon tarakin naba aaba ake tabeua.

• ▶ Reply

Permalink Reply by Intia Tiua on January 15, 2012 at 7:23pm

E koaua anne Tion, tao bon Teweiariki ae e kona n kamaatataira iaon te itera aei. E a kaman taekinna n te Islands Business imwain te rinerine bwa e na tara n reke Anote ngkai a "split" KTIK ma MKP. E a nooraki koauan ana analysis anne ngkai e a otinako te bui. N kaongoau ao e riki naba teuae Teweiariki bwa ana advisor MKP imwain te rinerine ao imwain kitanan Kiribati n okira Biti. Nanona bwa e a kaman ataa te kanganga ae e na reke ma tao e bon buoka MKP n kaungaa bwa e na karaoa te kamangao e aonga n reke BTK ao e aonga n aki tokanikai nanoia aika a mwaiti aika a tangira te bitaki. Irou ngai e raoiroi riki ngke e aki nooraki n buoka MKP bwa ngkai e nooraki n buokia ao irou I taku bwa e kamwanea MKP nakon te kantaninga ma te tokanikai ae e bon aki kona n reke iroun MKP. E kona n bure au kataunaari anne. 

• ▶ Reply

Permalink Reply by Intia Tiua on January 15, 2012 at 7:02pm

Tuarere, I raoniko n tounako n te bwai ae e riki. Aikai mwiin bwin Betio: Anote - 1,882; Rimeta - 1,363; ao Tetaua - 1,741. Ngkana ko ikota Tetaua ma Rimeta ake aongkoa aomatan te bitaki ao e na anganiko 3,104.  Te percent n aei bon 37.75% te Tautaeka ao 62.25% te Bitaki. Are nanona e bon eti ae e bon tangiraki te bitaki ma ibukina bwa a aki booti nanoia kain te bitaki n  ira nanoia aia botannaomata bwa a bon ukora nanoia ma kakannatoia i bon irouiia ao e a reke te kanganga. I taku ngai bwa ti a tia n kaota nanora ngaira aika aomata ma ti bon kamangaoaki irouiia ara taan tei aikai. Antai ae e kamangao ibuakoia e riai n katuaeaki. Tao e bon riai naba n maama ao n feel guilty bwa e a tia n karaoa ae e aki riai nakoia ana botannaomata are e taku bwa e tei ibukiia. Te analysis ane ieta anne bon aekan naba TUC.

• ▶ Reply

Permalink Reply by Teteka Namori on January 15, 2012 at 7:26pm

Intia Tiua

E na riai nikakoauaki bwa ntaran tekakatautau bwa e na bon mangao tangirakin te bitaki ao eti, ma tiriai naba n noora aio, bwa ngke arona bwa aki anga arana temanna ao na bon aki kona ni kakoauaki bwa nanakea ana aomata ao antai ae na riki Beretitenti.

E nang kaokoro ae kona katai n wareka mwatin te kiokio ngkana e nang raure ma te waaki rinerine. I kakoaua naba ae nang kaokoro rinean te tia tei ma rinean te Beretitenti.

Ngaia are ngkai e kataki ni kaungaki bwa ngke aki anga aran temanna kain tangirakin te Bitaki ao na reke kain te Bitaki, E nang kairua aio ao akea koauana. Tia ria nika toka te kan Burabeti bwa tokina ao kam na riki bwa Burabeti ni kewe n aron ae tinora ami kakanburabeti bon tangirakin BTK iaon Kiribati. Tao ngkana iai Burabeti riki ao ngke an bon taekina ae koaua, bwa e tuai toki tangirakina ao kan kaokan BTK nakon taian term aika imwaira.

Ko rabwa riki ao an buta am kan buburabeti ngkoe bwa aomwui bwa e a reke Anote Tong.

Ngai

TeTeka Namori

• ▶ Reply

Permalink Reply by Intia Tiua on January 15, 2012 at 9:30pm

E rabwa am koaua anne Teteka. I kakoaua ae e a reke BTK rinanon Anote. Ae I kataia n taekinna, ara namakin bwa e taraa n ae e bon tangiraki te bitaki man tein taian bui aika a wene ngkai mai mwin te rinerine ae tabangaki.  I kakoaua naba bwa e tuai ni matoa raoi te rinerine bwa e tuai n tei raoi te Tautaeka bwa a tuai n reke raoi minita ao ti tuai n ataia bwa e a reke raoi te mwaiti iroun boutokaan te koaua ke e tuai. Ao anne bukina ae I kaunga iai te iango are e riai ni manga karauaki raoi n taraaki bwa iai riki angan ae e na manga moan taraaki nanoia ake a tangira te bitaki, ngkai ti kakoaua man taraan taian ware bwa e bon mwaiti riki aia koraki, ke ai bon akea. Bon tii iango n kauki iango bwa 1: a kona taan tei ni kabwaka te Tautaeka aio ngkana e an aki reke irouna te numbers, ao 2: ngkana a aki kona ni kabwaka bwa a bon maaka manga bwakaia ngaiia, a aki kona n katea te Beretitenti n te bure n kamara-ato, ngkana iai te kakoaua ae e bon matoa? Ngkana e kona n reke ae e a manga moan kaokaki te rinerine n ae e tii aitara Anote ma temanna rabwatan te bitaki ao e na kona n nooraki raoi ngkanne itiakin te rinerine bwa e ngaa raoi ae e na bon tebenako. Eng e na bon katoki ngkanne taetae ni burabeti. E aoria ti a katikua irouiia taan tei bwa a iangoi ara tabeaianga aikai - ao antai ae ataia ao ngaia ae a mwakuri ngkai iaona. Ti a taninga buokara mai irouiia.

• ▶ Reply

• ‹ Previous
• 1
• 2
• Next ›
• Page