Te kamwakuri itinaniku nakoia te roronrikirake

E ware bubua ataein Kiribati aika a bane aia reirei man te kaurinan are inano, JSS, kauarinan are ieta ao man kuura aika ririeta itinaniku ao ake a reitii aia reirei iaon Tarawa n aron te Kiribati Institute of Technology, Kiribati Teacher's College, Marine Training School ao te Fisheries Training Centre.

Taraakin ao tein te mwaiti ao te ware e otinako ni katoa ririki bon te kakaewenako nakon ara tautaeka bwa ai teraa mwakuri aika a kona n reke irouia te nati ni Kiribati aika a bane aia reirei...

Tibwatibwaan raoi te kabwaia rinanon te eti ao te riai, e tei bwa kairan ara iango n tatabemaniira nako ao are tei naba bwa ana kora ni kaeti ara Tautaeka ae karineaki...

N irekereke ma tibwaan te kabwaia rinanon te eti ao te riai ao ni kaineti ma karekean mwakuri itinaniku, ao ngkai aika a tii kona n reke nakoia ni mwakuri itinaniku bon tii aika a reirei, ai tiaki aron ngkoa te MTC ao FTC ake a kona ni butimwaea koraki 9 ao ngkai e a onrake irouia Form 5 nakon Form 7 te rinnako ni kuura ni kataneiai n aron te MTC ao FTC...

Te kaanganga ae nooraki e a iremwe mwanangaia ara kaimoa ao antai ae e na ataia ao ngaia tiaki tii n irekereke ma aia aki ongotaeka ma ngaia e irekereke ma booia ao boobuakaia ara kaimoa ngkai bon kaimoa aika a kataneiaaki raoi n kuura ni kataneiai aika a kinaaki n aron MTC ao FTC...

Te titiraki ngkanne, e kona n reke kataratarakiia ataei ni mwaane ake a uarereke aia reirei bwa a na kataeiniaaki naba n kuura n aron MTC ao FTC ao tao a tii reiakinaki te kamaeu ao bwaai aika a bebete ao a karekeaki mwanangaia ni mwakuri itinaniku iaan te konturaeki ae okoro n aron booia tao e uarereke riki ao ikanne I taku bwa ti kona n rinnako inanon te Labour Market itinaniku n aron ae e karaoia kaimoan Philippines, Sri-Lanka, Bangladesh, India ao a bati riki aika iai aia kaimoa aika a rangin boobete booia ni kaitaraa aia konabwai...

I taku bwa a reke riki aroia ara botanaomata bwa iai teutana otaia n te taetae ni Imatang ao kaimoa man te aono n Asia ai bon akea...ao a teimatoa ni kamwakuraki iaan booia ae raoiroi...

Teraa ami iango, I taku bwa ni kakoroan nanon aio ao e bon karokoira raoi n te kantaninga ao te mii are Tibwatibwaan te kabwaia rinanon te eti ao te riai...ngkai ai tii tiaki aika a reirei aika a reke kabwaiaia ma aia utu ma ai utu naba ake a uarereke aia kekeiaki nte reirei ngaia e reke naba mwakuriia aia ataei ni mwaane itinaniku ao e karakaa riki te kaoki mwane nakon Kiribati ao e a kataabangaka riki te maeu raoi nakoia kain Kiribati.....

E a eiwati nakoimi ami iango bwa tia ongoraa.

Favorite

1 member favorited this

▶ Reply to This

Replies to This Discussion

Permalink Reply by coconuti lady on October 21, 2009 at 6:55pm

wow good point Timoa

nao ko rangi ni matairiki ao e rangi ni riai bwa ana bon bane n rinanoaki points akanne...bwa e noraki teimatoan aia konabwai ara reeti n aomata riki nakoia reeti n aomata n Asia... N aron ae ti noria ikai ao kain aba aikanne bon ngaia aika a rangi ni kekeiaki ao riki ni kaoti banna ni makuri aika a rangi n ongotaeka ao n anne ao a tiii tangiraki aia reeti n aomata n tabo nimwakuri ake a kaman mwakuri iai aia aomata.
e rangi ni tikiraoi ae a ra tautaeka e try anga akanne ao n negotiate ma employers i tinanikun kiribati ao ngkana arona bwa a kinaki n aroia ae tao a kakaonimaki man ongeaba ao ngkanne e na manga rangi ni ataaki naba man kinaaki ara reeti bwa taan mamakuri ao n tatanigraki kaina bwa a na kammwakuraki
tao e a nakoimi ngkami ake kam mwakuriakina aei ke n tabenna bwa e raoiroi riki nakon ae a nnang jobless ara aomata ae a bon iai te brain irouia ao te konabwai
take care ao tekeraoi ami policy making

ngai ae i nananobwia kiribati.....

▶ Reply

Permalink Reply by TTokataam on October 21, 2009 at 7:07pm

E rabwa te iango ni kaineti ma te maroro ao te iango are e tei ibukin karekean ara iango.

E koaua ae te Tautaeka e korakora nanona ibukin ana botanaomata ao e teimatoa ni kakoaua bwa te kaubwai ae te kabanea ni bubura iroun te Tautaeka bon ana botanaomata.

Iai ana kainibaaire te Tautaeka n irekereke ma aio ao aio are e taraia te bootaki ibukin Reibwa ao karikirakean aia konabwai taan mwakuri...a tiraua aanga ni karekeaki te mwakuri itinanikun Kiribati...

A na bon kukurei ataei ni mwaane ni mwananga ni mwakuri itinaniku ni booia ae uarereke??? anne te titiraki bwa aio ngkai teuana te anga ni niniia te mwakete ni kamwakuri nte aonnaba...tina boraaoi tina rangin mwaatai nte mwakuri ao tina rangin raoiroi ara reirei...akanne kanoan mwiin te Tautaeka ao e uarokoira ni boutokaa karikirakean ara taarena bwa tina kona n rororake ibuakoia kaain aaba ni mwakuri itinaniku ao n kauarurunga te kabwaia nakoia ara utu ao abara ae Kiribati.

E rabwa moa ao a bane ni kakawaki ami iango ni kabane...