TERA RAOI AE NANONAKI Ni MWANEWEN AIA TUEA MINITA AE KANGAI I TUEA BWA RONGORONGO MA BAIKA A UNEAKINAKI INANON TE KABINETI NNAKI KONA NI KAOTI? NGKANA IAI OTAM IAI AO KO A BUOKIRA NI KAOTAIRA!!!
Kam na mauri kaain te Maneaba te tabeka ae mangori ao te kani kaota bwa kakaean tobwan tabetaben au iango ma nanou ao tiaki ae i katoka ikai bwa te bwai ni kabuakaka ma bon kaotan au namakin ma au nonori ao mwiun ongorau ni Katueakia Minita aika boou n te Kanimabong ae 20/01/12 n ana auti Kiribati i Bairiki iroun te tia Moti ae rietata.
N ongorau ao e rangi n raoiroi kanoan aia berita Minita ma iai ae e tabetabe nanou iai bwa te taeka ae kangai I berita naba bwa n aki kauki ao taekini rongorongo ma baika a riki inanon te Kaebineti anne ae i tabeaianga iai ao i raraoma iai bwa tera bukina bwa enaki kaotaki nakon te botanaomata kai tia ataia bwa uakai a rineaki bwa taan tobwaira ao tera bukina ngkanne bwa ana manga kainaki wiia n taekina te bwai ae a noria bwa e bure inanon aia Kaebineti?
Au kakaewenako nakoimi ake iai otami n te tua bwa tera ngke kam kamatebwaia raoi mwanewen te tuea aio kai n otau ae e memere ao kanga e bon aki riai bwa ena rin aei bwa aio bukina irou ngai irou kanga ti kona ni kaungaia ara Minita bwa ana babaire nakon oin nanoia ao n aki taraia bwa ena kabwaia iai Kiribati ke ena tekebuaka,ma au bubuti nakoia ara Minita bwa ana nanonimwane ao ni karaoi tibwaingaia ma te eti ao te riai ao te koaua n tainako ibukin rikiraken maiuraoin Kiribati ma ana botanaomata.Ao au kaewenako nakoimi ara Minita bwa ngkana iai te bwai ae kam noria n ami Kabineti bwa e bure ao tai iria ma tiribaia ao kamauna matana ao kaungai babaire aika a raoiroi mani manena ibukin Kiribati bwa e aonga n eutaki rake riki Kiribati.
Au katekeraoi nakoimi ara Minita aika kam rine ao ena kakabwaiaki ami mwakuri n tainako ao te Atua ae maiu ena raoni ngkami n tainako.
I kabwara buren te tabeka aio ngkana iai bure ma I a bubuti bwa tina maroro raoi iaona ma te karaurau ni iango ao n aki taraia bwa katokana ikai bwa te kabuakaka ma ena riai n taraki bwa tobwan ao eutan riki ma karokoan Kiribati inanon te waki n tautaeka ae inaomata ao e KIRAATI.
Ana Mauri Te Atua te Tama ana Raoi Te Atua te Nati ao ana Tabomoa te Tamnei ae Raoiroi iaora ni kabane.
Kam rabwa ao Kam na tekeraoi
Replies to This Discussion
-
Permalink Reply by Ruuka Nakau Mote Karotu on -
Aio buokam ae tawe: Tareboniia te aobiti ane tabena anne, I taku bwa te OB.
-
Permalink Reply by karoroata on -
Ko rabwa R.N.Mote Karotu n am ibuobuoki ao ena tekeraoi am waki ni kabane
-
Permalink Reply by Fr Teatao Tekitanga on -
Mauri Karoroata
Kanga I rana riki Karotu n ana kaeka. Ma I kan anga tabeua au taeka ni kaineta am maroro aei.
Akea ongora ae maiti n te Tua - Civil Law n aron ae ko taekina. Ma manewen te anganano anne are "I berita naba bwa n aki kauki ao taekini rongorongo ma baika a riki inanon te Kaebineti," I taku ngai b'a anne nikon aia waaki inanon te Cabinet. Tiaki te b'ai ae boou te "code of confidentiality" n te waaki. I taku b'a ko a tia ni kaeka am raraoma aei n am taeka ni katekeraoi nakoia ao ni kaunganano b'a ana karaoa raoi mwiokoaia ibukin te botanaomata.
Ko rab'a.
God bless.
-
Permalink Reply by moriati koae on -
I taku ba e aki kainnanoa ana ibuobuoki te lawyer am titiraki aei. Nna kataia ni ibuobuoki nako iai using common sense ngkana e kona ni butimaeaki anne ao e raraba.
1. Ea tia Kiribati n rinea ana President ba te tia toba ae tina bane ni katan iaana. Tera nanon anne? Ngaia n tii ngaia ae tina kantaningaia ba ena mena te power irouna ibukin kairan Kiribati. Tiaki manga tangira riki temanna irarikina ba tao ngkoe ke ngai ke ngaira ni kabane. Bon tii ngaia.
2. Ibukina ba te nakoa ni kairiri riki ibukin te botanaomata ae mai Makin nako Arorae ni ikotaki ma Banaba ao Lines and Phoenix e bon impossible ba ena tararuaki iroun temanna n aomata ngaiare te President ea manga karekeia raona n iango. Are nanona ngkanne ba ai tiaki te President n tii ngaia n aron are e tangiria Kiribati. Ai te President ni ikotaki ma raona nte Cabinet. Are nanona ba tiaki ngkoe ao tiaki ngai ao tiaki kain Kiribati ni kabane. Tii te President ma kain te Cabinet ao akea riki.
Ngkana ti na ira nanon are kanoan am maroro are ena uki marawa ao tera ae ena riki nakon taian babaire are e aki tii rotiko ma ena rotai naba ao ena rota Kiribati ae e banin:
1. E kakaokoro nanon te aomata ao te bai ae tangiria. Ngkana e uki marawa n te kabineti ao nna ataia ngai ao kona ataia ngkoe ba tera. A bobuaka ara iango iaona ao tera ae tina karaoia ngkanne? Tina bon karina naba ara babaire iai ao tina march man protest, ke tina karaoi makuri n totoko. Ea bane naba ana tai Kiribati nte BABAIRE-TOTOKO KAUNTAEKA PROTEST-BABAIRE-TOTOKO KAUNATEKA. Ti na end up zero iaon zero nte development etc etc. Ma te babaire anne e aki karaoaki tii ibukim ke ibukiu ma e karaoaki ibukin Kiribati ae e banin. Ngaiare e riai n aki uki marawa ma e riai n iin. Tera aron kainana - Te tuea n aron ae ko taekinna ikai.
2. Transparency - a riai n otinako ake a bon otinako n aron government policies, budget, new legislations, amendment, etc are e katangainaki nakon te botanaomata ba ena karina bairina iai.
3. National security - n tabetai babaire a aki riai n otinako ba a rangin rekereke ma national security. Ena rootaki iai ana security Kiribati ngkana e otinako ao ataia te botanaomata ao e ataia te aonnaba ae e banin. Ba are ngkana it is a public knowledge ao ena riki naba worldwide knowledge. E.g. Iai taian terrorist aika ana roko i Kiribati ma e ataia Cabinet in advance man ana report te Police Department. Nte Police report anne ao e kaweneaki naba te plan ibukin kamaneakia. Tera am iango ngkana ai anne te public knowledge? Terrorist ake a bon riai ni mane aikoa mane ba a manga use other means and other ways to enter Kiribati. Ao a karebetaua te KUatioa Stadium ae e onrake irouia aomata. Just an example ma tao e aki rangin realistic.
4. Ibukin kab'aian Kiribati - Matters are a rekereke ma ara international relations. For example, e iangoia te tautaeka ba ena kaboa abana i South Africa nte maiti ae ena aki raka iaon $10million. E ataia te Tautaeka n South Africa ae e tauraoi ni kaboanako plot of land i abana n tii $5million. Ma bukina ba e ataia ba it is up to $10million ae e available ao ea karaka naba boon abana nakon $10million. $5million are e could have been saved for Kiribati needs.
etc etc.
Ma bon te point riki ba ea tia Kiribati n rinea President Anote ao akea riki ba ngaia te kairiri ao te tia babaire ibukin te waaki n tautaeka. President ea tia n rineia kain ana Cabinet ba raona n iango. Tao ai bon tii nakanne naba ae tina katan iaiia ao akea riki. E rangin eti te Tuea anne. Te Minita ae are e urua ana Tuea e riai n resign ao ni kabureaki naba nte karabutii for betraying not only the government but the whole of Kiribati.
Au kantaninga ba e ibuobuoki aikanne nakon te maroro ao ngkana e aki ao ani butimaia naba ba te bai ni kakakibotu.
Kam raba ao tekeraoi.
-
Permalink Reply by karoroata on
-
Mauri Fr Teatao ao moriati koae e rabwa ami ibuobuoki nakon te maroro aio ao ena kakabaia te maroro ma i ti kani kaua riki bwa n te maroro aio ao e oti iai bwa iai ara onimaki irouia ara Minita ma e bon riai te raraoma n tainako bwa are eaki kona n ataki kanoan te tai teuana ma teuana ao kanoan ana iango temanna ma temanna bwa n aron ae taekinaki ao te nakoa ni Minita bon am raka n aba teuana.
Ao i kaitau nakon ami kaeka are ena riai ni in ma ngkana Kam taku bwa ena ibuobuoki nakon Kiribati ao tera bukina bwa iai tua aika atia n uruakaki inanon wakin n tautaeka n tai aika nako tao mai iroun Teatao,Teburoro ao Anote ? n aron ae tao Kam bon ataia ao e ataia Kiribati.
Kam rabwa riki n ami ibuobuoki ao ngai irou e raoiroi riki Katokana imwain rikina
Tekeraoi te maroro kaain te Maneaba
-
Permalink Reply by Chevalier on -
Mauri, te bubuti ba iai ae e ata taekan te katuea anne ba ti aonga ni warekia ao ni karekei ara iango iai. I mean the complete official text or statement. E uki katokaana ikai ke e aki? Ngkana e uki ao te bubuti nakoia ake ata aio ba te bai ni kareke iango iaon manewen taeka akanne. Tekeraoi.
Photos
Birthdays
Birthdays Today
Videos
-
Nikiranroro
Added by Bhope 0 Comments 0 Favorites
-
Butt Rip Joke
Added by kirimac 1 Comment 2 Favorites
Badge
© 2012 Created by Mr.Ambo.
