Tev Tia Tei ae e kabuakakaki
Ai bon au kakaitau nakon te aomata are e tabeka taekau bwa te bwai ni maroro rinanon te KOC website. I kaitaua naba te host n website ngkai e a tia ni kunea bwa te topic aio e ringa buroia kain Kiribati ngaia ae e raoiroi bwa e na reke bwa te bwai ae e na mena n te forum. Are i eta ami kukune ao I boutoka ami iango ibukia kain Kiribati
Imwain ae I moana au maroro ao I a kaitauia taan maroro aika a tia ni bwaeta nanoia ibukin teTia Tei ae a kina ma e aki tau n tei. Akea au nanououa bwa naake a rang kinaai ao a iango uoua moa imwain ae a karaoa aia comment nakon aia kaantaninga. E kabanetai naba kabooan taian maroro ngkana ko ataia bwa a tao itera.
N na karautaeka moa ibukin te topic ane e a tia ni mwemwe mairoun Chavalier. I ataia bwa e reke bwa tabeaiangana ao ana kabanea n raoiroi, ngaia ae e a mwemwe ikai. N na kaitauia moa kain Terikiai ngke a tia ni muiokoai ibukin aia umwantabu. Tiaki ti ni mwanena ma ai bon tamneina naba ao kateana. E rangi n nakoraoi te waaki ma iriana te akoi ae bati mairouia kain te kawa ni kabane ni ikotaki ma aia Catechist. I aki kaantaningaia bwa n na ribuakaia kain te kawa aei ibukin kabooan au mwakuri bwa I ataia bwa e aki riai, ao e ngae ngke a kateia ao bon tiaki aia bwai n ti ngaiia bwa ai bon aia bwai naba Katorika ni kabane. Au mwakuri I kakaraoi bwa taian anganano. Anne bon aekan naba ae I karaioa nakon te Umwantabu ae Beteriin i Ambo ao mwakuri nako ake a rekereke ma te Aro ma Reirei n Aaro. E aki akaka bwa te Aro ra. I katitebooi Aaro nako n au anganano.
(Kanga e bon kabanetai naba kaekaan te aomata ae e aki kaota raoi arana ma e rangi ni kinaa are e korea rongorongona)
I kan kaekai nako rongorongo ake a tia ni wai ma teraa ngke I kina moa au aomata. I kakoaua te aki wi-makiki ma tao ai mwaana anne ae tiaki kaota raoi arara?
Tao ibukimi riki ami information ae e bon tiku naba bwa tabetaben au iangoa angan katiaan te Umwantabu i Terikiai ae tao e na nakon ae e kan $100,000. boon karaoakina. Ti ngkana a taku kain Terikiai bwa a aki koa kainnanoai ao I a kaoki naba aia bwai ni kabane.
I bon raraoma naba iroun te tia tabeka te maroro bwa aio muiokoana man te kaawa ke bon ana tabeka i bon irouna bwa ngaia tao e rangi n riribaai. Ngkami aika kam uataboa te rongorongo aei, anne ae a karia kaain te Katorika i Terikiai mairoumi? Akea au kanganga ma Katorika i Terikiai n aron ae I ataia ma titebo ma te rongorongo aei (ae tao e aki riai ni mwemwe iai) e uruaka arou ao e kona naba uruaka aron tabeu are a muiokoai iai kaain Terikiai.
Ngke I campaign ibukin te nakoa n tia tei ao I keiaki ni karekei au means ao ae I rangi n rootaki riki iai bon au advance n ana rent au auti are e rent KNOC ibukin teuana ao te iterana te ririki. A ataia kaain te aobiti aei. I boutokaaki naba irouia raoraou ake a supply te nangkona. E itiaki au waaki ma kaain au abwamwakoro ao eki barekareka au waaki ma ngaiia ngkai i tei ibukiia.
N na karautaeka n te maroro bwa a kumeaki kaain au abwamwakoro ao anne te bwai ae kanga e aki riai bwa a na taekana buaka iai iaan katautau aika aaki eti. E aoria taekau n rarangaaki ma a na aki kumeaki te koraki ake i tei ibukia.
I aranaki bwa I aki bati ni kakarongoa n te auti n Tei bwa ngaia ibukin te rongorongo ae e worldwide aei. Tera aroia raou n tia tei ake a aki bati naba ni kakauntaeka? Iai aia bure naba n aron ae I bukinaki iai aei? Te Tia Tei temanna ma temanna bon iai ana aanga ni karaoi tabena ibukiaa ana boota n aomata. E aki bae neweu iaan te bukibuki aei. Tao kam bon ongo naba bwanaau ibukia au bootannaomata.
Iai rongorongou riki aika a rangi bubuaka riki nakon aikai ma n tokin te tai e kuneaki aan au kaantaninga bwa e itiaki. I kukurei riki ngkana I kabuakakaki nakon ae n na neboaki bwa I rangi n raoiroi n aekakimi ngkami ake kam a tia n rangi n taetae n aki akaka ibukiu.
I bon tiku naba ma te kaantaninga ae e raoiroi ibukimi bwa ngkana i maningongo ri-tinanikumi ao n na wi-n-anti, ae anne te kabanea bure ae e aki tangiria te Uea.
Kam na tekeraoi ni kabane ao au bubuti nakon te Host n te website aei bwa teraa ngke ko taraa riki kanoan te maroro bwa e na aki rangi ni personnel. I karinea am iango ma ngkana ko tara kanoan te maroro ao e koteaki aron te kaantaninga imwaain ae I Tia tei, ao iaan katanara n nakoara aei akea rekerekena ma te nakoa ae I mena iai ngkai. Ko rabwa ao e bia reke am site aei bwa tiaki te tabo ni kaboitin ibukiia ami tia tei ma teraa ngkee e reke bwa te tabo ni kakukurei ao tiaki te tabo ni kaeta aron temanna ma temanna, n aron are ko kaantaningaia.
Kam bati n rabwa ao Tekeraoi n taai nako!
Inatio Tanentoa (MP North Tarawa)
Imwain ae I moana au maroro ao I a kaitauia taan maroro aika a tia ni bwaeta nanoia ibukin teTia Tei ae a kina ma e aki tau n tei. Akea au nanououa bwa naake a rang kinaai ao a iango uoua moa imwain ae a karaoa aia comment nakon aia kaantaninga. E kabanetai naba kabooan taian maroro ngkana ko ataia bwa a tao itera.
N na karautaeka moa ibukin te topic ane e a tia ni mwemwe mairoun Chavalier. I ataia bwa e reke bwa tabeaiangana ao ana kabanea n raoiroi, ngaia ae e a mwemwe ikai. N na kaitauia moa kain Terikiai ngke a tia ni muiokoai ibukin aia umwantabu. Tiaki ti ni mwanena ma ai bon tamneina naba ao kateana. E rangi n nakoraoi te waaki ma iriana te akoi ae bati mairouia kain te kawa ni kabane ni ikotaki ma aia Catechist. I aki kaantaningaia bwa n na ribuakaia kain te kawa aei ibukin kabooan au mwakuri bwa I ataia bwa e aki riai, ao e ngae ngke a kateia ao bon tiaki aia bwai n ti ngaiia bwa ai bon aia bwai naba Katorika ni kabane. Au mwakuri I kakaraoi bwa taian anganano. Anne bon aekan naba ae I karaioa nakon te Umwantabu ae Beteriin i Ambo ao mwakuri nako ake a rekereke ma te Aro ma Reirei n Aaro. E aki akaka bwa te Aro ra. I katitebooi Aaro nako n au anganano.
(Kanga e bon kabanetai naba kaekaan te aomata ae e aki kaota raoi arana ma e rangi ni kinaa are e korea rongorongona)
I kan kaekai nako rongorongo ake a tia ni wai ma teraa ngke I kina moa au aomata. I kakoaua te aki wi-makiki ma tao ai mwaana anne ae tiaki kaota raoi arara?
Tao ibukimi riki ami information ae e bon tiku naba bwa tabetaben au iangoa angan katiaan te Umwantabu i Terikiai ae tao e na nakon ae e kan $100,000. boon karaoakina. Ti ngkana a taku kain Terikiai bwa a aki koa kainnanoai ao I a kaoki naba aia bwai ni kabane.
I bon raraoma naba iroun te tia tabeka te maroro bwa aio muiokoana man te kaawa ke bon ana tabeka i bon irouna bwa ngaia tao e rangi n riribaai. Ngkami aika kam uataboa te rongorongo aei, anne ae a karia kaain te Katorika i Terikiai mairoumi? Akea au kanganga ma Katorika i Terikiai n aron ae I ataia ma titebo ma te rongorongo aei (ae tao e aki riai ni mwemwe iai) e uruaka arou ao e kona naba uruaka aron tabeu are a muiokoai iai kaain Terikiai.
Ngke I campaign ibukin te nakoa n tia tei ao I keiaki ni karekei au means ao ae I rangi n rootaki riki iai bon au advance n ana rent au auti are e rent KNOC ibukin teuana ao te iterana te ririki. A ataia kaain te aobiti aei. I boutokaaki naba irouia raoraou ake a supply te nangkona. E itiaki au waaki ma kaain au abwamwakoro ao eki barekareka au waaki ma ngaiia ngkai i tei ibukiia.
N na karautaeka n te maroro bwa a kumeaki kaain au abwamwakoro ao anne te bwai ae kanga e aki riai bwa a na taekana buaka iai iaan katautau aika aaki eti. E aoria taekau n rarangaaki ma a na aki kumeaki te koraki ake i tei ibukia.
I aranaki bwa I aki bati ni kakarongoa n te auti n Tei bwa ngaia ibukin te rongorongo ae e worldwide aei. Tera aroia raou n tia tei ake a aki bati naba ni kakauntaeka? Iai aia bure naba n aron ae I bukinaki iai aei? Te Tia Tei temanna ma temanna bon iai ana aanga ni karaoi tabena ibukiaa ana boota n aomata. E aki bae neweu iaan te bukibuki aei. Tao kam bon ongo naba bwanaau ibukia au bootannaomata.
Iai rongorongou riki aika a rangi bubuaka riki nakon aikai ma n tokin te tai e kuneaki aan au kaantaninga bwa e itiaki. I kukurei riki ngkana I kabuakakaki nakon ae n na neboaki bwa I rangi n raoiroi n aekakimi ngkami ake kam a tia n rangi n taetae n aki akaka ibukiu.
I bon tiku naba ma te kaantaninga ae e raoiroi ibukimi bwa ngkana i maningongo ri-tinanikumi ao n na wi-n-anti, ae anne te kabanea bure ae e aki tangiria te Uea.
Kam na tekeraoi ni kabane ao au bubuti nakon te Host n te website aei bwa teraa ngke ko taraa riki kanoan te maroro bwa e na aki rangi ni personnel. I karinea am iango ma ngkana ko tara kanoan te maroro ao e koteaki aron te kaantaninga imwaain ae I Tia tei, ao iaan katanara n nakoara aei akea rekerekena ma te nakoa ae I mena iai ngkai. Ko rabwa ao e bia reke am site aei bwa tiaki te tabo ni kaboitin ibukiia ami tia tei ma teraa ngkee e reke bwa te tabo ni kakukurei ao tiaki te tabo ni kaeta aron temanna ma temanna, n aron are ko kaantaningaia.
Kam bati n rabwa ao Tekeraoi n taai nako!
Inatio Tanentoa (MP North Tarawa)
Replies to This Discussion
-
Permalink Reply by Chevalier on -
Mauri te Tia Tei ae e Karineaki,
I kabara bure ibukin te bai ae I karaoia ba tao irakin te moan ang, ao te irantaangaia kain au kawa ae Terikiai. E raba am kamaataata ba e a rau nanou iai. Bon te bai ae e rangi n tabeianga nanou iai, ao I taku ba akea riki te anga ae e na kona n rau iai nanoia kain Terikiai, ai ngaia ae I a bon tiba au tabeianga aio n te tabo ni maroro aio.
I kakoaua ba ngkana e kairua aia rongorongo kain Terikiai ae a tuangai, ao ngkanne N na rangi n nanokawaki n nanou n irantaangaia, ma ngkana bon te koaua nanom ae ko taekinna ao au kabarabure ae e ababaki nakoim n aron au iremwe n iango, ba ai bon te bai ae e a rangi ni korakora n au iango ao bebetena ngkana e otinako mai irou.
Eng, I kakoauai au taeka aika a tangibuaka ibukin buakakan nanou, ao I kabarabure n aio. Bon akea te kairiribai irou, ma bon ti irantangan te eti ao te koaua.
E koaua ba a aki tuangai kain Terikiai, ma ibukin irantangan aia tanginnano ma rawawataia ao I a kataia ni kakaea angana ae e na kona n otinako iai mai inanou ao e aonga naba n rau nanou ao nanoia kain Terikiai.
I kabarabure ibukin au taetae n aki akaka, ba a bon rio inanon buakakan nanou. I boni kinako naba ao I ataia ba ko kinaai naba.
N nang kamauna ngkai au maroro aio, ao I kabarabure riki ibukin au taeka aika a aki tau aika a tia n rin n te maroro aio. Ai bon ti au anga ni kanakoa mai inanou ao ni irantangaia kain au kawa ae Terikiai.
Ko raba ao ko na tekeraoi mani kakabaiaki n am makuri.
-
Permalink Reply by Riibeta Abeta on -
Mauri Te Tia Tei ae Karineaki,
Ko aitau n am marooro ao am kabwarabwara ao i taku bwa ngkee ko a kaman rinanako ni kabwarabwarai am koaua man am itera iaan ana marooro Chevalier ao na moantaai n rau nanon Chevalier ao moarara riki taan kabonganaa te KOC.
I kakoauaa are iai aia rights individuals to express their opinions freely rinanon te media ke internet ngkai aio te means to mirror critical issues transparently to the people, ao tao aio e bon riai n teimatoa ni kaungaaki. Ma irarikin anne ao e koaua naba are tao bon raoiroi n taraaki raoi topics aika more personal in nature; ao i kakoauaa are tao bon iai riki angana ae riai n aron filing a court case against the person, etc......au observation on the discussion posted by Chevalier which i contributed comments as well, ao kanga ti bon namakinna bwa te aro ae aki riai ngkai e uruana iai inaomatan ma ana identity temanna ma temanna....moaraara riki man taeka ni kabuakaka aika bwaka rawata are e ongoraeaki openly through this blog....ao i'm sure we don't want to entertain personal criticism in the discussion...if we put our shoes on the person criticised..... this will be terribly painful to you as all human beings felt the same way. Irarikin anne ao tao e bon mwaiti naba bwaai aika ti bane n learn man te posting aei.
E ngae n anne ao au kaunga nano nakon ara Tia Tei ae Karineaki inanon ana beku ibukiia ana botan-aomata ao te kakaewenako nakoina bwa e na aaki kaungaa te katei ae koteaki inanon te forum aei ao teraa ngkee e teimatoa n moanibwai iangoan tibangana ibukiia te nati ni kiribati ao moarara riki, iangoan te rikirake iaon abara ae mangori ae Kiribati.
Tekeraoi ni kabane kaain Kiribati inanon te KOC.
Riibeta Abeta
-
Permalink Reply by Mr.Ambo on -
Mauri te tia Tei ae ko karineaki,
Eng, ni kaeneti ma are tabeu ngai ae i control te forum aio, i taku bwa e aki rangi n tara ni personal te case aio irou, ngkai koa tia n rineia bwa kona makuri ibukia te botannaomata ao are nanona bwa kona bon bae ni kaman butimwai naba aekaki aikai ngkana a kaoti, ngaia are nna kabara bure nakoim ngkana ko taku bwa e koaua ae ko kabububakaki n aron te maroro are e tabekia aio, ma ngai i bae riki n tara te itera are i taku bwa irantangaia kain abara ae Kiribati bwa anaki bwainikirinaki irouia aomata aika ti onimakinia bwa ara taan kairiri ke ngaia ake ti anga ara onimaki nakoia bwa ana kaira abara ae Kiribati nakon te eti ma te riai.
Ibukina teuana bwa te aomata are e tabeka te maroro ae Chevalier, bon iai onimakinana ae ea babaki nte aro ni katorika ngkai iai nakoana ae e tabu n ana aro ae te katorika ao anne naba bukina teuana are i taku bwa e rangi ni maraki iai nanona nte rongorongo are e kaongoaki irouia kain ana kawa ae Terikiai i Tabiteuea.
Aikai kaekan am aki rau nano te tia ae ko karineaki irou, ao i karautaeka riki ngkai e koaua bwa e tebenako moa aram nte tai aei bwa te bwai ni maroro irouia kain ara forum nte KOC ma i rangi ni kaitauko riki ngkai koa bon rin ikai ao man kabarabarai bwai ni kabane man am itera n te aro bwa e rau nanon te aomata are ana tabeka aio ao ngaira natin Kiribati ake ti mena n tabo nako, ti bon riki ni kaunga te maroro aio ngkai ti maraki ao ti nanokawaki ngkana arona bwa e bon koaua ae tinang manga bon bainikirinia tarira ma manera ni Ikiribati n aron ae maneweaki nte maroro.
E rabwa am katekeraoi mai ikanne ao ai bon magna ara katekeraoi naba nakoim te tia tei ae ko karineaki bwa ena tekeraoi am mwakuri n tia tei ao riki am mwakuri ibukia natin Kiribati bwa ana kabwaia nakon taai aika imwaira.
Ia reitaki naba ma kain ara KOC aio n anga ara kabure ae moan te ababaki nakoim ngkana arona bwa tia tia n tibwanako n ara maroro n aron ae koa tia n nori ni kaeneti ma te Tabeka aio, ma i taku bwa ngke arona bwa akea tangiran abara iroura, ao nanona a bon bae n aki otinako maroro aikai mai inanora, ma a bon riki aikai, iaan bukin tangiran abara ae Kiribati bwa ena teimatoa te rau ao te kakabwaia nakoia ara botanaomata.
Ia toki moa ikai,
kam na kabwaia!
-
Permalink Reply by 童奮嘉 (Tong Fen Jia) on -
Te kaitaua ao au kamoamoa riki nakon te tia bukinaki ngkai e bon kona n roko ao reita te maroro iaon aio.
E koaua ae e nang riki bwa teuana te bwai ni kamaraki biroto te maroro iaon aei n te aro are ea okiokio ao man ree anau n akea ae kona n ata etina ao kaetakina.
E rabwa riki nanom te Tia Tei ae ko rine ni kan katikui tabeman ake a bon riai riki ao n nakomai n tomaira ikai.
Ko bon tau ao ko tonu.
Ao tao ai bon te kauring naba nakoira n tatabemaniira, riki maroro ae aekakin aikai aika ana eekanako inaomatan temanna ma temanna, ao n aron are I previously comment to the original discussion...
...e riai te karaurau n taai nako ni maroro aika 'akea aaia', 'tabeitera', 'kamatauninga & ekanako temanna'..!!!
Respecting others is our true Kiribati vlaue.
Tekeraoi riki.
-
Permalink Reply by Mr.Ambo on
-
Mauri riki te tia tei,
Ia bon tibwa manga karaua raoi ni wareka am maroro aio ao ngaia e koaua ae te bukibuki aio e bon riki imwain ae ko riki bwa te tia tei ngkoe. Ai bon manga te kabara bure riki n aron te tibanako ao e rabwa ngkai ko matata naba n ara itera are tiaki tao i bon iangoan kabwakakim man nakoam n tia tei ma e bon ibukin iratangaia raora ni kiribati n aron are e wai nte maroro.
Ia bon tibwa nora naba am kaeka Chevalier iaon aio ae ko kukurei ni buta te maroro arei, ao ikai are i katoka naba te maroro aio ao tia kairia riki ma te kabara bure ae moan te bati kain ara forum aio nakon ara tia tei ae karineaki mai I tarawa ieta, ao e raoiroi bwa ea bon reke naba te reirei nakoira ni bane atakin te bwai ae riai ni katebenakoaki inanon te forum ao ae aki.
I karautaeka riki ngai ae te host, ngke i aki raoi taratara aron tein te bukibuki moa nte moantai, ma ea bon tatao naba irou te bononano ngke ia manga ongo bwa ngaia te aomata are e bukinaki bon te aomata ae rangi ni karineaki iroura n nakoana n tia tei ngkai e tei ngaia bwa te tia kaira Kiribati man ana abamakoro ae Tarawa ieta, ao anne bukina are ea bon wai naba iai un ao te nanokawaki ngkai ti bane ni irantanga abara ma ara botanaomata.
E aoria n anne ma ea bon riki naba te maroro aio bwa te reirei nakoira ni kabane ao riki nakoiu naba ngai ami host nte KOC bwa nna karaua riki n taratara te maroro ma teina bwa enga ae e bon riai n otinako ao enga ae riai ni kainaki.
Kam rabwa ao ko aitau riki te tia tei ae ko karineaki nam kabarabara ao kamatatan raoi aio mai iroum.
Ao euara kain ara KOC? ia kawenea naba bwa te bubuti bwa ngkana iai post aika a kaoti n aron aikai ao tao i aki bae n nori moa imwain tokaia ao tera ke kam waekoa n ribotina nakoiu ngkai n tabetai ao i kona ni kunea bwa ngaia ea bongata te maroro iaon te topic teuana ma teuana ao ibukina ae akea ae e ribotina aki nakoraoin te post iaon te topic anne nakoiu ngaia are i bon aki naba kona n ataia ni karokoa ae ia magna bon tibwa kaninganinga te forum ni mawan au tai.
Kam rabwa ao ena bati ni kabwaia abara ae tangiraki iroura ae Kiribati te boboto!!
Ami host,
Mr.Ambo
-
Permalink Reply by Iareto. Borikabu on -
Ko rabwa te tia tei n am kaeka ao anne ae e a kaman kariariaki...
Irarikin anne ao n noran ana kaeka Chevalier nakon am rongorongo ke kaitaraan ana rongorongo ao e taraa n ae akea aana ao akea botona. N aron ootau ao bon ngaia naba temanna kain te kawa are aongkoa a rootaki kaina, ma n etinaraoi ao ngaia bon tiaki kain temronron ke te taibora ni babaire. E aonikai te kataunaari ma ikeraroa ao ko riai ni kam mwaneko ngkoe te tia bukibuki ke te tia tabekarake te maroro. Katereko bwa te mwane ngkoe ao tai kerikaki. E a riki bwa te rongorongo ao ngaira taan wareware e taraa n ae tia moanna n nano uoua ao riki ti nang moanna ni kakewei rongorongo ake ana manga rio mai iroun ara tia uarongorongo ae wikakang.
E rabwa te maroro
-
Permalink Reply by Roreti Eritai on -
Mauri te Tia Tei ae Ko Rine,
I reitaki ma taan comment mai imwaiu ni karabwako n am kaeka are kamataata raoi am itera ao mani kaekaa raoi te bukibuki ao mani karokoa te maroro n tokina.
Eng, ngai naba temanna are I anga au maroro ni kaineti ma te bukibuki aio ao ngkana e uringaki iroumi, ao I kabotoa au maroro riki iaon inaomatan te aomata n taekin aki raun-nano aika aanaki nte koaua, kawain ma etin te aki-raunnano are te reitaki moa ae tamaroa ma te tia bukinaki ao imwina te Bowi.
Irarikin anne, ao I kataia ni karababa au taratara ae memeere bwa te aeka n anua n aron ae teretere iroun te tia bukibuki tiaki ngaia ae kantaningaki ao e riai kaungaakin te good governance ao accountability riki i abara ae Kiribati kioina ngke e karako kaubwaina n reitaki ma kaubwain te botanaomata. Aio are I taku n au kantaninga bwa ena riki bwa te reirei, riki nakoia ake kan riki bwa taan tei n reitaki ma taani beku ni kabane ibukin te botanaomata.
I boni kaitaua naba te tia bukibuki n aron rarangakin bwaai ake atai ni kaineti ma te bukibuki. Akea kinakin te tia bukibuki irou ao e ngae ngke I ataa te Tia Tei mai Tarawa Ieta, akea ae I tei ibukina bwa ti te eti nakon are tuangai au kantaninga ao mataniwin nanou.
Ma I rangi n nanokawaki ngkai ea kaea nnena te eti ao te koaua...e maroaka ae aki uotaki nakon te Bowi?! ma ea ti kakarongoaaki naba ikai?! I taku bwa tia tia ni kekeweaki, riki ngke e taku te tia bukibuki bwa iai te reitaki ae a tia ni karaoaki irouia Katorika i Terikiai ma akea te kaekaeka mairoun te Tia Tei!
Ko rarabwa riki te Tia Tei n am kaeka ao I kabwara bure naba nakoim n tangibuakan ao n tibanakon au maroro. Ngkoe te tia bukibuki, ko riai ni formally kabwara am bure nakon te Tia Tei. I taku bwa ea riki naba aei bwa te reirei nakoim ao nakoira ni kabane. As the saying goes, "We learn from our mistakes".
Kam na kabwaia ao te Atua te tia raoniira n ara beku ibukin Kiribati ao te botanaomata!
-
Permalink Reply by Tekoaua Teitiaki on -
Mauri te Tia Tei ae ko karineaki.
I a tia ni wareka am kabwarabwara ni kaitarai taiani bwaebwaeti ni kab....ao I neboarake nanom bwa bon akea am taeka teuana ae tangibuaka, engae ngke e a tia ni bakarereaki ao rabitiaki burom n te kabanga ae moan te kakang...kanga aiaron te kabang are e waraki iai... n aron taekana ae ti bane n ataia irouiia ara Mitinare... Ko bon tau bwa te oi n aomata ngkoe ao e bon ETI ao e bon RIAI ngkai a rineiko kaain abam ae Tarawa Ieta bwa aia tia TEI...
E a tia ni kabaroaki te miriki iaon te kabikebike ao antai ae na kona ni karaua n rikorikoia man te tabo anne ni kaokia nako nanon te tin? Eng, ti kua ni kangai ke ni karaoa ae tao e kanga, ma e bon aki kona ni babane raoi te baro-ni-miriki maibuakon te kabikebike are e bwaro iaona.
Ko rabwa, Inatio Tanentoa n am tataona n nano ma nanom ni butimwai taeka ake a tinebu ao man rawawata ake a tia ni bwakariko mairoun temanna ma temanna te tia maroro. I kakoaua ae te maneka ae reke ngkai nakoim te Tia Tei ae korakora onimakinam irouiia kaain abam ae Tarawa Ieta, bon te maeka ae e aki uarereke...e boni maneka burom ma tiaki kunim...ao te aekaki ni maneka anne ae kuri ni kanganga ni kai mao ibukina bwa e ikuaki BUROM...Bon ti te taeka ni buobuoki nakoim te tia Tei ae ko moan te karineaki irou ao irouiia kaain abam ae Tarawa Ieta bwa ko a bia anga manekam anne NAKOINA (Heavenly Farther) bwa bon tii ngaia, te tia kamaoa te aekaki ni maneka anne ao ko a bia keiaki ni baina ao ni ikeikena ana taeka Iesu are kangai, ma I atai bwa e matoa karaoana iroum n te tai aei, "Kabarai aia bure bwa aki ata te bwai ae a karaoia I raoniko n tai nako n rawawatam,......ao te kamwengabuaka ae e a tia ni karaoaki nakoim. Ao ke bia riki marakim bwa am BENETENIA inanon wiikin TE KAREMO. Ko a bia uti ma NGAIA n te EASTER SUNDAY,
Love and Prayers, always,
tamaky
-
Permalink Reply by T K Borere on -
Mauri, tao e na uringaki n au marooro n taai aika nako ngke i kaangai; " te KOC e anganiia riki ara botanaomata te inaomata n express themselves ike e nang bon decide bwa tera topics ae a na marooro iaona nakon are a ongoongora naba n te rerio ke ni wareware n te uekera ma te newstar are a barongaaki kanoaia irouia kain te editorial.
Irarikin anne ao i bon mwaneweia naba ni kaangai,' bwa iai akana a na bon aki kona ni kaotii araia ao ni kabonganai aara tabeua.
Tao Nna aki rangi ni kaananau iaon ana identity te aomata ma I irou ngai ao ngkana ko aki kaota aram, nanona bwa 'you are up to something, koa aki reliable, dishonest' etc...ao i kabwara bure ngkana I taekinna anne bwa anne bon aron taraakina irou.
I kaitauia ake a kabonganai oin araia.
I kaitaua te Tia Tei ao e bia rau nanona bwa anne kanoan naba te tibwanga are e mwiokoaki iai ao e riai naba n tauraoi ni kaitiakii. He's a public ao e a subject nakon te scrutiny from time to time'. .
E rabwa bwa a reke uoua iteran rongorongo iroura ao e nakon temanna ma temanna bwa tera aia conclusion.
Au kantaninga bwa e nang 'rest' te issue aio ni manga kakaeaki baika a kakaongoraa ao ni constructive. E a nakon ngkai te Host bwa tera ana iango iaon issues ake a riai ni mwemwe inanon ana website aio.
Ngkana arona bwa iai issues aika a na taraa n 'defamatory' ke n damage ana reputation te aomata ae kinaaki n aroia taan Tei, tera ana iango iai. Bwa ni koauana ao e na okiraki te 'publisher,' 'te writer, journalist, printer'. Ti ngkana e kona ni prove bwa rongorongo akanne a boboto iaon te truth ao evidence' ao ngkanne anne te defense ma e a bon nakon te court.
Tiaki te roia ngai, ma iai teutana te ongo ni kaimoa irou ao aio bon au opinion iaon aio ngkai kam na kakoauaa bwa . E tau e na tekeraoi te marooro, ao nakoim naba te host.
Nakon are e moan raise te issue aio ko rabwa naba ibukin am rongorongo anne bwa e rangi ni kakaongoraa, ma e na rangi n tamaroa riki ngke ko bon kaota aram.
Taberannang Korauaba
-
Permalink Reply by Mr.Ambo on
-
E rabwa am maroro iaon aio Taberannang ao iti kan katerea bwa aio teuana ngkai te maneka ae nna tauraoi ni waki iaona nakon taai aika imwaira. I tangiria bwa ana teimatoa ni Inaomata ara members nte KOC ni maroro iaon aia tabeaianga ke issues aika e korakora aia tabeainga iai. I tangiria naba bwa ena reke te KOC forums bwa aia tabo each koc members to express aia view or aia opinion n akea makuia riki ngkana e bon koaua ao e reliable aia story, tiaki tingaia ma i rangi ni kan kaunga naba te freedom of speech nakoia ara members ke kain Kiribati n ara koc aio nte aro are enang aki tiku te aba n tii te rerio ma te TV ke te newspaper ma ti nang kona naba n tibwa ara concern ara views rinanon te Internet n aron ae ti wakinna ngkai iaon te KOC.
E kakawaki iroun te aomata are e uota te issue ke te topic ae e sensitive bwa e riai n reliable n aron are ko taekinna naba Taberannang are nanona bwa ko riai ni bon kabongana oin aram , ao e riai ni iai am evidence n support am tabeka imwain ae ti katoka nte forum.
Reitaki ma Mr.Ambo ngkana iai ami titiraki ke email nakoiu n au email address ae kocommunity@gmail.com
Taberannang Korauaba said:Mauri, tao e na uringaki n au marooro n taai aika nako ngke i kaangai; " te KOC e anganiia riki ara botanaomata te inaomata n express themselves ike e nang bon decide bwa tera topics ae a na marooro iaona nakon are a ongoongora naba n te rerio ke ni wareware n te uekera ma te newstar are a barongaaki kanoaia irouia kain te editorial.
Irarikin anne ao i bon mwaneweia naba ni kaangai,' bwa iai akana a na bon aki kona ni kaotii araia ao ni kabonganai aara tabeua.
Tao Nna aki rangi ni kaananau iaon ana identity te aomata ma I irou ngai ao ngkana ko aki kaota aram, nanona bwa 'you are up to something, koa aki reliable, dishonest' etc...ao i kabwara bure ngkana I taekinna anne bwa anne bon aron taraakina irou.
I kaitauia ake a kabonganai oin araia.
I kaitaua te Tia Tei ao e bia rau nanona bwa anne kanoan naba te tibwanga are e mwiokoaki iai ao e riai naba n tauraoi ni kaitiakii. He's a public ao e a subject nakon te scrutiny from time to time'. .
E rabwa bwa a reke uoua iteran rongorongo iroura ao e nakon temanna ma temanna bwa tera aia conclusion.
Au kantaninga bwa e nang 'rest' te issue aio ni manga kakaeaki baika a kakaongoraa ao ni constructive. E a nakon ngkai te Host bwa tera ana iango iaon issues ake a riai ni mwemwe inanon ana website aio.
Ngkana arona bwa iai issues aika a na taraa n 'defamatory' ke n damage ana reputation te aomata ae kinaaki n aroia taan Tei, tera ana iango iai. Bwa ni koauana ao e na okiraki te 'publisher,' 'te writer, journalist, printer'. Ti ngkana e kona ni prove bwa rongorongo akanne a boboto iaon te truth ao evidence' ao ngkanne anne te defense ma e a bon nakon te court.
Tiaki te roia ngai, ma iai teutana te ongo ni kaimoa irou ao aio bon au opinion iaon aio ngkai kam na kakoauaa bwa . E tau e na tekeraoi te marooro, ao nakoim naba te host.
Nakon are e moan raise te issue aio ko rabwa naba ibukin am rongorongo anne bwa e rangi ni kakaongoraa, ma e na rangi n tamaroa riki ngke ko bon kaota aram.
Taberannang Korauaba
-
Permalink Reply by Miss Tahiti and little boy Tiito on -
Eng irou ngai ao ti tebo ba e rangin easy iroun Chevalier te kabara bure ao e rawata te issues aika e raise aika e riai demand kaekakiia ba ti aonga naba ngaira n ataa te kaeka nako iai. N aron teuana ba kawarakin te tia tei irouia kain te kawa i South Tarawa? Tera ana kaeka te Tia Tei nakon aei? Baika a tia n taekinaki ikai iaon KOC a riai ni kaitiakaki.
Eng kanga I rangin disappointed n ana kaeka Chev ba ea kanga ba te aomata ae e rangin wiimatoa iaon ana koaua ao in the end e rangin easy irouna te kabara bure. Te kabara bure? - anne bain rimwii riki ma e riai moa ni kaitiakaki issues ake koa tia n raised.
Te Tia Tei nna bubuti ba kona kaeka naba anne ba e kakawaki naba anne ba tina ongo man am itera. Ko kawaraki irouia kain Terikiai iaon South Tarawa ao ti tebo ba akea te karaunano ae ko anga nakoia. Ao tao ngaia naba ae e riki ni mwemwe te issue aei ikai. Iai am kabarabara ae ko kona n anga iaon aei ke akea. Ke tao koa rangin tabetabe moa.
"Te eti ma te koaua ena bon okira nnena n tai nako ae bon te eti naba ma te koaua".
Ko raba riki ao tekeraoi n am waaki.
Motiti Moriati Koae.
-
Permalink Reply by Miss Tahiti and little boy Tiito on
-
2. Ena tia ningai te umantabu
3. Tera bukin te delay ae ea rangin maan
4. Iraua riki te mane ae e kainnanoaki ao e tia te umantabu.
Kanga akea ara business ba tina ataia ma are ngkai ea riki ba te public issue ao I taku ba ko bon riai ni kaekai.
Ko raba riki.
Miss Tahiti and little boy Tiito said:Eng irou ngai ao ti tebo ba e rangin easy iroun Chevalier te kabara bure ao e rawata te issues aika e raise aika e riai demand kaekakiia ba ti aonga naba ngaira n ataa te kaeka nako iai. N aron teuana ba kawarakin te tia tei irouia kain te kawa i South Tarawa? Tera ana kaeka te Tia Tei nakon aei? Baika a tia n taekinaki ikai iaon KOC a riai ni kaitiakaki.
Eng kanga I rangin disappointed n ana kaeka Chev ba ea kanga ba te aomata ae e rangin wiimatoa iaon ana koaua ao in the end e rangin easy irouna te kabara bure. Te kabara bure? - anne bain rimwii riki ma e riai moa ni kaitiakaki issues ake koa tia n raised.
Te Tia Tei nna bubuti ba kona kaeka naba anne ba e kakawaki naba anne ba tina ongo man am itera. Ko kawaraki irouia kain Terikiai iaon South Tarawa ao ti tebo ba akea te karaunano ae ko anga nakoia. Ao tao ngaia naba ae e riki ni mwemwe te issue aei ikai. Iai am kabarabara ae ko kona n anga iaon aei ke akea. Ke tao koa rangin tabetabe moa.
"Te eti ma te koaua ena bon okira nnena n tai nako ae bon te eti naba ma te koaua".
Ko raba riki ao tekeraoi n am waaki.
Motiti Moriati Koae.
© 2012 Created by Mr.Ambo.
