Tev Tia Tei ae e kabuakakaki
Ai bon au kakaitau nakon te aomata are e tabeka taekau bwa te bwai ni maroro rinanon te KOC website. I kaitaua naba te host n website ngkai e a tia ni kunea bwa te topic aio e ringa buroia kain Kiribati ngaia ae e raoiroi bwa e na reke bwa te bwai ae e na mena n te forum. Are i eta ami kukune ao I boutoka ami iango ibukia kain Kiribati
Imwain ae I moana au maroro ao I a kaitauia taan maroro aika a tia ni bwaeta nanoia ibukin teTia Tei ae a kina ma e aki tau n tei. Akea au nanououa bwa naake a rang kinaai ao a iango uoua moa imwain ae a karaoa aia comment nakon aia kaantaninga. E kabanetai naba kabooan taian maroro ngkana ko ataia bwa a tao itera.
N na karautaeka moa ibukin te topic ane e a tia ni mwemwe mairoun Chavalier. I ataia bwa e reke bwa tabeaiangana ao ana kabanea n raoiroi, ngaia ae e a mwemwe ikai. N na kaitauia moa kain Terikiai ngke a tia ni muiokoai ibukin aia umwantabu. Tiaki ti ni mwanena ma ai bon tamneina naba ao kateana. E rangi n nakoraoi te waaki ma iriana te akoi ae bati mairouia kain te kawa ni kabane ni ikotaki ma aia Catechist. I aki kaantaningaia bwa n na ribuakaia kain te kawa aei ibukin kabooan au mwakuri bwa I ataia bwa e aki riai, ao e ngae ngke a kateia ao bon tiaki aia bwai n ti ngaiia bwa ai bon aia bwai naba Katorika ni kabane. Au mwakuri I kakaraoi bwa taian anganano. Anne bon aekan naba ae I karaioa nakon te Umwantabu ae Beteriin i Ambo ao mwakuri nako ake a rekereke ma te Aro ma Reirei n Aaro. E aki akaka bwa te Aro ra. I katitebooi Aaro nako n au anganano.
(Kanga e bon kabanetai naba kaekaan te aomata ae e aki kaota raoi arana ma e rangi ni kinaa are e korea rongorongona)
I kan kaekai nako rongorongo ake a tia ni wai ma teraa ngke I kina moa au aomata. I kakoaua te aki wi-makiki ma tao ai mwaana anne ae tiaki kaota raoi arara?
Tao ibukimi riki ami information ae e bon tiku naba bwa tabetaben au iangoa angan katiaan te Umwantabu i Terikiai ae tao e na nakon ae e kan $100,000. boon karaoakina. Ti ngkana a taku kain Terikiai bwa a aki koa kainnanoai ao I a kaoki naba aia bwai ni kabane.
I bon raraoma naba iroun te tia tabeka te maroro bwa aio muiokoana man te kaawa ke bon ana tabeka i bon irouna bwa ngaia tao e rangi n riribaai. Ngkami aika kam uataboa te rongorongo aei, anne ae a karia kaain te Katorika i Terikiai mairoumi? Akea au kanganga ma Katorika i Terikiai n aron ae I ataia ma titebo ma te rongorongo aei (ae tao e aki riai ni mwemwe iai) e uruaka arou ao e kona naba uruaka aron tabeu are a muiokoai iai kaain Terikiai.
Ngke I campaign ibukin te nakoa n tia tei ao I keiaki ni karekei au means ao ae I rangi n rootaki riki iai bon au advance n ana rent au auti are e rent KNOC ibukin teuana ao te iterana te ririki. A ataia kaain te aobiti aei. I boutokaaki naba irouia raoraou ake a supply te nangkona. E itiaki au waaki ma kaain au abwamwakoro ao eki barekareka au waaki ma ngaiia ngkai i tei ibukiia.
N na karautaeka n te maroro bwa a kumeaki kaain au abwamwakoro ao anne te bwai ae kanga e aki riai bwa a na taekana buaka iai iaan katautau aika aaki eti. E aoria taekau n rarangaaki ma a na aki kumeaki te koraki ake i tei ibukia.
I aranaki bwa I aki bati ni kakarongoa n te auti n Tei bwa ngaia ibukin te rongorongo ae e worldwide aei. Tera aroia raou n tia tei ake a aki bati naba ni kakauntaeka? Iai aia bure naba n aron ae I bukinaki iai aei? Te Tia Tei temanna ma temanna bon iai ana aanga ni karaoi tabena ibukiaa ana boota n aomata. E aki bae neweu iaan te bukibuki aei. Tao kam bon ongo naba bwanaau ibukia au bootannaomata.
Iai rongorongou riki aika a rangi bubuaka riki nakon aikai ma n tokin te tai e kuneaki aan au kaantaninga bwa e itiaki. I kukurei riki ngkana I kabuakakaki nakon ae n na neboaki bwa I rangi n raoiroi n aekakimi ngkami ake kam a tia n rangi n taetae n aki akaka ibukiu.
I bon tiku naba ma te kaantaninga ae e raoiroi ibukimi bwa ngkana i maningongo ri-tinanikumi ao n na wi-n-anti, ae anne te kabanea bure ae e aki tangiria te Uea.
Kam na tekeraoi ni kabane ao au bubuti nakon te Host n te website aei bwa teraa ngke ko taraa riki kanoan te maroro bwa e na aki rangi ni personnel. I karinea am iango ma ngkana ko tara kanoan te maroro ao e koteaki aron te kaantaninga imwaain ae I Tia tei, ao iaan katanara n nakoara aei akea rekerekena ma te nakoa ae I mena iai ngkai. Ko rabwa ao e bia reke am site aei bwa tiaki te tabo ni kaboitin ibukiia ami tia tei ma teraa ngkee e reke bwa te tabo ni kakukurei ao tiaki te tabo ni kaeta aron temanna ma temanna, n aron are ko kaantaningaia.
Kam bati n rabwa ao Tekeraoi n taai nako!
Inatio Tanentoa (MP North Tarawa)
Imwain ae I moana au maroro ao I a kaitauia taan maroro aika a tia ni bwaeta nanoia ibukin teTia Tei ae a kina ma e aki tau n tei. Akea au nanououa bwa naake a rang kinaai ao a iango uoua moa imwain ae a karaoa aia comment nakon aia kaantaninga. E kabanetai naba kabooan taian maroro ngkana ko ataia bwa a tao itera.
N na karautaeka moa ibukin te topic ane e a tia ni mwemwe mairoun Chavalier. I ataia bwa e reke bwa tabeaiangana ao ana kabanea n raoiroi, ngaia ae e a mwemwe ikai. N na kaitauia moa kain Terikiai ngke a tia ni muiokoai ibukin aia umwantabu. Tiaki ti ni mwanena ma ai bon tamneina naba ao kateana. E rangi n nakoraoi te waaki ma iriana te akoi ae bati mairouia kain te kawa ni kabane ni ikotaki ma aia Catechist. I aki kaantaningaia bwa n na ribuakaia kain te kawa aei ibukin kabooan au mwakuri bwa I ataia bwa e aki riai, ao e ngae ngke a kateia ao bon tiaki aia bwai n ti ngaiia bwa ai bon aia bwai naba Katorika ni kabane. Au mwakuri I kakaraoi bwa taian anganano. Anne bon aekan naba ae I karaioa nakon te Umwantabu ae Beteriin i Ambo ao mwakuri nako ake a rekereke ma te Aro ma Reirei n Aaro. E aki akaka bwa te Aro ra. I katitebooi Aaro nako n au anganano.
(Kanga e bon kabanetai naba kaekaan te aomata ae e aki kaota raoi arana ma e rangi ni kinaa are e korea rongorongona)
I kan kaekai nako rongorongo ake a tia ni wai ma teraa ngke I kina moa au aomata. I kakoaua te aki wi-makiki ma tao ai mwaana anne ae tiaki kaota raoi arara?
Tao ibukimi riki ami information ae e bon tiku naba bwa tabetaben au iangoa angan katiaan te Umwantabu i Terikiai ae tao e na nakon ae e kan $100,000. boon karaoakina. Ti ngkana a taku kain Terikiai bwa a aki koa kainnanoai ao I a kaoki naba aia bwai ni kabane.
I bon raraoma naba iroun te tia tabeka te maroro bwa aio muiokoana man te kaawa ke bon ana tabeka i bon irouna bwa ngaia tao e rangi n riribaai. Ngkami aika kam uataboa te rongorongo aei, anne ae a karia kaain te Katorika i Terikiai mairoumi? Akea au kanganga ma Katorika i Terikiai n aron ae I ataia ma titebo ma te rongorongo aei (ae tao e aki riai ni mwemwe iai) e uruaka arou ao e kona naba uruaka aron tabeu are a muiokoai iai kaain Terikiai.
Ngke I campaign ibukin te nakoa n tia tei ao I keiaki ni karekei au means ao ae I rangi n rootaki riki iai bon au advance n ana rent au auti are e rent KNOC ibukin teuana ao te iterana te ririki. A ataia kaain te aobiti aei. I boutokaaki naba irouia raoraou ake a supply te nangkona. E itiaki au waaki ma kaain au abwamwakoro ao eki barekareka au waaki ma ngaiia ngkai i tei ibukiia.
N na karautaeka n te maroro bwa a kumeaki kaain au abwamwakoro ao anne te bwai ae kanga e aki riai bwa a na taekana buaka iai iaan katautau aika aaki eti. E aoria taekau n rarangaaki ma a na aki kumeaki te koraki ake i tei ibukia.
I aranaki bwa I aki bati ni kakarongoa n te auti n Tei bwa ngaia ibukin te rongorongo ae e worldwide aei. Tera aroia raou n tia tei ake a aki bati naba ni kakauntaeka? Iai aia bure naba n aron ae I bukinaki iai aei? Te Tia Tei temanna ma temanna bon iai ana aanga ni karaoi tabena ibukiaa ana boota n aomata. E aki bae neweu iaan te bukibuki aei. Tao kam bon ongo naba bwanaau ibukia au bootannaomata.
Iai rongorongou riki aika a rangi bubuaka riki nakon aikai ma n tokin te tai e kuneaki aan au kaantaninga bwa e itiaki. I kukurei riki ngkana I kabuakakaki nakon ae n na neboaki bwa I rangi n raoiroi n aekakimi ngkami ake kam a tia n rangi n taetae n aki akaka ibukiu.
I bon tiku naba ma te kaantaninga ae e raoiroi ibukimi bwa ngkana i maningongo ri-tinanikumi ao n na wi-n-anti, ae anne te kabanea bure ae e aki tangiria te Uea.
Kam na tekeraoi ni kabane ao au bubuti nakon te Host n te website aei bwa teraa ngke ko taraa riki kanoan te maroro bwa e na aki rangi ni personnel. I karinea am iango ma ngkana ko tara kanoan te maroro ao e koteaki aron te kaantaninga imwaain ae I Tia tei, ao iaan katanara n nakoara aei akea rekerekena ma te nakoa ae I mena iai ngkai. Ko rabwa ao e bia reke am site aei bwa tiaki te tabo ni kaboitin ibukiia ami tia tei ma teraa ngkee e reke bwa te tabo ni kakukurei ao tiaki te tabo ni kaeta aron temanna ma temanna, n aron are ko kaantaningaia.
Kam bati n rabwa ao Tekeraoi n taai nako!
Inatio Tanentoa (MP North Tarawa)
Replies to This Discussion
-
Permalink Reply by Mr Teneaki Tomas on -
Mauri riki te tia tei ae karineaki. E koaua bwa tao aio ai bon te topic ae rangi ni kakaongora ngkai iaon te koc,tao ena bon aki naba kakaongora ngke arona bwa tao tiaki te tia tei ngkoe,ma n te tai aio ao aio te issue ae moan te kakaongora ngkai naba taekana. Ngngai te manna ae i rangi ni kaota nanokawakiu iaon te issue aio ngkai ea konaa ni kamwengabuakaa ana tia tei te abamwakoro are ea tia n rineia bwa ngaia wiina ao matana inanon ana auti n tei KIRIBATI. Tao e koaua are ko taekinna bwa tao aio naba te ananga ni kaboitin naba nakoim i bukin nakoam n tobwa i bukiia kaain am abamwakoro. Tao nna titiraki ngkanne ni kaangai nakon teuare ngaia are tabeka te topic aio inanon te KOC,. Aera kaain te kaawa ae Terikiai ngkai aikoa waekoa n tabeka tangiia nakon te bowii i bukin bukibuki ake ko taekin bwa kanoan am maroro inanon te KOC n te tai aio?. Nna rangi ni kabwara bure bwa i taku bwa e rangi ni kananokawaaki te aekaki n topic aio,ao au kantaninga bwa e raoiroi riki uotan taian issue ake ti kakoauaa raoi bwa ea tia n ongoraeaki n te bowii (magistrate court) taekana ao tao aio ngkanne nnena are tao ena kakarekeiango te manna ma te manna naba iai. E koaua naba are iai inaomatara naba n taekin bwaai aika ti taku bwa a riai n taekinaki aika koaua raoi ni koaua ma i taku naba ngngai bwa boni naba tokira ma tiara n ara katei ni KIRIBATI ae kakawaki. Ti riai n ataa aio ao i taku ngngai bwa bon aio naba te bwai ae ti teimatoa naba n tutuangaki naba i rouia ara ikawai. Te tia tei are ngaia are ti rineia ke e rineia te abamwakoro teuana ma teuana bon te tia buoka kainnanora ni ietera aika a rangi ni mwaiti ma tiaki ngaia te tia kamwaneira ke te tia iraai ara bwai.
Nna bubuti bwa e bia karauaki raoi n taraaki te aeka ni issue aio nakoia ara tia tei ake ngaia ake ti mwiokoia i bukin ara abamwakoro bwa a ana aki manga kumeaki n aekan topic aika a tuai raoi matoa taekaia.
Kam bati n rabwa ao tekeraoi te waaki inanon te KOC.
Teneaki Tomwati
Betio,Tarawa
-
Permalink Reply by Chevalier on -
Mauri te tia tei ae karineaki,
E kaokoro te bai ae ko taekinna ma are a kaongoai kain Terikai n aia maneaba imwin te Tutia. A tuangai ba e a tei ngkai karaoan aia umantabu ba a tuai man reke taian kai, kaaba, ao timanti, ibukin katiian te umantabu.
Ko taku ba akea am kanganga ma kain Terikiai ... E kaokoro ma are a tuangai. Te bai ae I ataia ba a rangi n tabeaianga ibukin waekoan katian aia umantbu.
Te titiraki ae a tangira kaekaana mairoum ba E NGAA TE MANE ARE A ANGANIKO AE E RAKA IAON 20,000, ARE A ANGANIKO IMAIN TE RINERINE AE E NAKO? Aio raoi te titiraki ae a kan ongora boona mairoum ba e nga aia mane are a anganiko.
Ngkana ko kamatata raoi ao I kona n anganiia am kaeka ba aonga n rau nanoia.
N aron ongorau irouia ao a tuai man ata taekan te mane. I kaongoaki ba te kabanea n tai are a titirakiniko ibukin taekan aia mane ao kanga ko a kabi ni kaeka te titiraki anne. I ongo aio mairouia kain Terikiai.
Ngkana arona ba ko na taninga motirawam man te tia tei ao ko a katia aia umantabu kain Terikiai, ao n au koaua ngai, ba a tangira waekoan katiana.
Ngkana arona ba e a kanganga katian te umantabu iroum, ngkai ko a tia tei, ao bukin tera ngkai ko aikoa anganiia aia mane, ke n tuangiia te bai ae a riai ni karaoia, ba e aonga n rau nanoia?
Taiaoka, I a manga ongora iroum n te kamatata. Ko raba ao ko na tekeraoi.
Te bai ae I tei iai, bon te ETI ao te KOAUA ibukia kain Terikiai.
Te Nati ni Katorika n Terikiai.
-
Permalink Reply by Roreti Eritai on -
Mauri all,
E rangi n rarabwa ana kaeka Chevalier ao e koaua are na bon okira nnena te ETI ao te KOAUA. Kam na tekeraoi.
-
Permalink Reply by Miss Tahiti and little boy Tiito on -
A bia kona ni waekoa ni kaekaki titiraki ba e aonga n aki tabeitera te rongorongo.
Irou ngai e aki kakawaki ba antai aran te aomata ae e raise te issue aei. E kakawaki riki ba ana kaekaki rongorongo ao ni kaitiakaki taian doubts.
Tiaki te issue ba taekan ana anganano te tia tei are e makuri n akea boona. No no no. Tiaki kan ongo anne. Ti tabo ba ko kataia n tuangira ba iai inaomatam n delay te makuri ao n aki karaoa te bobai ao n taua te mane iroum.
Ngkana anne te bai ae ko kataia n tuangira kain KOC ao I taku ngkanne ba bon akea te riai ma te eti iroum. E raoiroi riki ba kona aki butimaea te mane nte moan tai. E raoiroi ba kona kaoka te mane nakoia kain Terikiai ao ni karautaeka ba ena bon tiku te mane irouia n tataninga banen am tai. Ma tai taua te mane iroum ba bon akea etina ma riana.
Taiaoka kaoka te mane anne nte tai ae e waekoa ba ena tiku irouia ao koa anaia irouia ngkana ko motirawa man te auti n tei.
Ko a taiaoka ni kaekai issues aika e raise Chev ba e aonga n two-sided te rongo2.
Chevalier said:Mauri te tia tei ae karineaki,
E kaokoro te bai ae ko taekinna ma are a kaongoai kain Terikai n aia maneaba imwin te Tutia. A tuangai ba e a tei ngkai karaoan aia umantabu ba a tuai man reke taian kai, kaaba, ao timanti, ibukin katiian te umantabu.
Ko taku ba akea am kanganga ma kain Terikiai ... E kaokoro ma are a tuangai. Te bai ae I ataia ba a rangi n tabeaianga ibukin waekoan katian aia umantbu.
Te titiraki ae a tangira kaekaana mairoum ba E NGAA TE MANE ARE A ANGANIKO AE E RAKA IAON 20,000, ARE A ANGANIKO IMAIN TE RINERINE AE E NAKO? Aio raoi te titiraki ae a kan ongora boona mairoum ba e nga aia mane are a anganiko.
Ngkana ko kamatata raoi ao I kona n anganiia am kaeka ba aonga n rau nanoia.
N aron ongorau irouia ao a tuai man ata taekan te mane. I kaongoaki ba te kabanea n tai are a titirakiniko ibukin taekan aia mane ao kanga ko a kabi ni kaeka te titiraki anne. I ongo aio mairouia kain Terikiai.
Ngkana arona ba ko na taninga motirawam man te tia tei ao ko a katia aia umantabu kain Terikiai, ao n au koaua ngai, ba a tangira waekoan katiana.
Ngkana arona ba e a kanganga katian te umantabu iroum, ngkai ko a tia tei, ao bukin tera ngkai ko aikoa anganiia aia mane, ke n tuangiia te bai ae a riai ni karaoia, ba e aonga n rau nanoia?
Taiaoka, I a manga ongora iroum n te kamatata. Ko raba ao ko na tekeraoi.
Te bai ae I tei iai, bon te ETI ao te KOAUA ibukia kain Terikiai.
Te Nati ni Katorika n Terikiai.
-
Permalink Reply by Mr Turerei on -
N ongongorau n taian maroro ao e tuai reke otau man ana itera te tia bukinaki ngkai e tuai anga ana kaeka ni kaitara bukinakina n aron titiraki are a meme mai irouia taan bukibuki are bon wiinaki mai ioun naba te nati n CM Tabiteuea Meang ni kawana ae Terikiai.
Tao ngkai ea meme ikai ao au bubuti nakon te tia bukinaki ba ena karekea ana tai ni kaeka raoi taian titiraki ba tiaonga naba n ata ae ETI ao EKAIRUA ba e koaua ae rangin maiti ae kakaninganinga te tabeka aio n te moan tai ba akan ata naba etin te rongorongo.
Te katekeraoi ae moan te bati nakoimi ni kabane taan maroro iaon te tabeka aio ao nakoimi naba taan wareware.
Au kantaninga ba ena kaea nnena te ETI n tainako.
-
Permalink Reply by Miss Tahiti and little boy Tiito on
-
Tera te kaeka ae e kantaningaaki ma ti te karautaeka nakoia kain Terikiai ba akea te mane ae $20,000 ae ko anganaki. Ao ngkana iai te mane ae ko anganaki ma are koa taua iroum ba boom n am makuri are koa tia ni karaoia.
Nakon ae koa taekina am mane iroun KNOC ma taekan kuakiia kain North Tarawa ma taekaia aomata aika a raoiroi ao aika a buakaka ma tera ma tera.
Te moanbai - a bon aki ae a bon aki mataai kain Terikiai n am mane nte KNOC. A tii tangira te kabarabara iaon aia mane ae $20k.
Te kauoua - a itiaki kain North Tarawa ao a bon aki naba kuaki teutana. Antai iaon KOC ae e kuaia kain North Tarawa? A tii tuangaki kain N/Tarawa ba a kanga n rinea aia tia tei ae iowawa.
Te kateniua - e bane n ataaki aron te aomata ae e buakaka ao e raoiroi ao tera rekenikain te tia kabuakaka i karawa. Ma ai ngaia anne te kabarabara nakon te tanginnano ae e kaoti mai irouia kain Terikiai? E aera I taku ba ea bon rangin out-of-order ao n aonikai te aekaki ni karaki anne.
An ti kangai naba:
"karaua nanomi kain Terikiai ba akea ami mane ae kam anganai ae $20k, ao ngkana iai ao kama karaua nanomi ba Ia taua ba boon au makuri", ke
"karaua nanomi kain KOC ba Chevalier bon te kewe ae bon te kewe".
-
Permalink Reply by Mr.Ambo on -
Mauri te tia tei ao taan ongora.
I boutoka ae taekinna Miss Tahiti ae e kakawaki bwa kona kaitiaka aio te tia tei ae ko karineaki riki ngkai ea tia n riki bwa te bwai n ongora iaon te KOC ke ni public te issue aio ao i taku bwa tia butiko ikai te tia tei ae ko karineaki bwa tera ngke ko nora naba kawawakin nanoia te nati ni Ikiribati ni kan kabwanina raoi rongorongon te bwai ae riki iaon te tabeka aio.
Ti bane n ataia ae ko aki kabaeaki iaan te tua bwa ko riai ni kaekaira n aio ma ti bon ti ara bubuti ae uarereke nakoim bwa tera ngke koa karaua nanoia ara taan wareware iaon KOC n anga am kabanea ni kaeka ao ni karokoa n tokina te rongorongo aio.
Ia katuka aio nakoim te tia tei ae ko karineaki ao ngkana ko taku bwa akea tabem iai, ao nanona tao ea bon nakon temanna ma temanna motikan te maroro aio n aia iango iaon taekan aia tanginnano kain te kawa ae Terikiai Tab North iaon te maiti ni mwane ae koa tia n anganaki.
Irarikin aio te tia tei, ao i tangiria ni mention nakoim bwa ngai temanna tei tarawa ieta ni kakaiaki n au kawa ae buariki North Tarawa, ao i aki tangiria bwa ena iai taekan ara tia tei ma i tarawa ieta ae baereka imataia te botannaomata ngaia are i kan magna butiko riki bwa tera ngke ko uotiko rikaki ao ni kaitiaka te maroro aio nte tai ae waekoa ngkai i kakoaua bwa e maiti naba te rara n Itarawa ieta n ara KOC maneaba aio.
Tekeraoi am beku te tia tei ao ianga riki tabeua te tai nakoim.
Mr.Ambo
Miss Tahiti and little boy Tiito said:Tera te kaeka ae e kantaningaaki ma ti te karautaeka nakoia kain Terikiai ba akea te mane ae $20,000 ae ko anganaki. Ao ngkana iai te mane ae ko anganaki ma are koa taua iroum ba boom n am makuri are koa tia ni karaoia.
Nakon ae koa taekina am mane iroun KNOC ma taekan kuakiia kain North Tarawa ma taekaia aomata aika a raoiroi ao aika a buakaka ma tera ma tera.
Te moanbai - a bon aki ae a bon aki mataai kain Terikiai n am mane nte KNOC. A tii tangira te kabarabara iaon aia mane ae $20k.
Te kauoua - a itiaki kain North Tarawa ao a bon aki naba kuaki teutana. Antai iaon KOC ae e kuaia kain North Tarawa? A tii tuangaki kain N/Tarawa ba a kanga n rinea aia tia tei ae iowawa.
Te kateniua - e bane n ataaki aron te aomata ae e buakaka ao e raoiroi ao tera rekenikain te tia kabuakaka i karawa. Ma ai ngaia anne te kabarabara nakon te tanginnano ae e kaoti mai irouia kain Terikiai? E aera I taku ba ea bon rangin out-of-order ao n aonikai te aekaki ni karaki anne.
An ti kangai naba:
"karaua nanomi kain Terikiai ba akea ami mane ae kam anganai ae $20k, ao ngkana iai ao kama karaua nanomi ba Ia taua ba boon au makuri", ke
"karaua nanomi kain KOC ba Chevalier bon te kewe ae bon te kewe".
- ‹ Previous
- 1
- 2
- Next ›
Photos
Birthdays
Birthdays Today
Videos
-
Nikiranroro
Added by Bhope 2 Comments 1 Favorite
-
Butt Rip Joke
Added by kirimac 1 Comment 2 Favorites
Badge
© 2012 Created by Mr.Ambo.
