Uruakakin ana bwai te botanaomata ke te tautaeka e riai te rekenikai nakon te tia mwakuri...

Mauri kain te Maneaba ao aio teuana te titiraki ae I taku bwa ti bane n iai ara riai ao inaomatara n taetae iaona ngkai bon ibukin uneakinan ara bwai ni kabane are bon bwain te tautaeka ibukin te botanaomata.

Ae I kan kateia ikai bon ni kaineti ma kabonganaan bwain te tautaeka n ae aki riai e moarara riki kaan te Tautaeka ae a teimatoa ni buti imwiin te tai ao n taai aika a riai n aki buti iai...

Ti riai ni bane n ataia bwa aika a bon riai ni buti ni kaan te Tautaeka bon tii taan Koroboki ao aio are bon aia kaa iaan aia contract are bon tabeia tararuaana ao kateimatoan raoiroina...

Ao kanga ngkanne ana minibuses te Tautaeka ngkana a buti n taai aika aki riai ni buti iai...

Tabeua kaan te Tautaeka aika a boou a uruaki kiraatin tauraia...e kanga aio, ai antai ae e na bukinaki...

Te kauring ao te kaunga nano nakoira ni kabane ngaira aika ti mwakuri nte Tautaeka bwa bon ngaira riki ae bubura tibwangara n tararuaan ana bwai te Tautaeka...

E na rangin ibuobuoki ami iango ni kabane ao e tekeraoi te reitaki ni maroro ni kaoti iango ibukin kabwaian abara ao boutokaan uotan ara Tautaeka...

Favorite

0 members favorited this

▶ Reply to This

Replies to This Discussion

Permalink Reply by Mr Turerei on October 21, 2009 at 6:41pm

Nnna reitia ni kangai b'a te tautaeka are rineia Kiribati n te tai teuana ara b'ai te boutoka nako iai b'a e aonga ni butiraoi ana waki are e iangoia ibukira ngaia aomata. Te tabeka aio bon te aoraki ae tuai reke angan katokana ao a m'aiti kanganga ae aitia n noraki ngkana ti kabotoa ara maroro iaon kaan te tautaeka ae a rabinobino ao a kurati. Te anua ae nonoraki ngkana a kabuti kaan te tautaeka ao ana driver bon angina riki aki kona ni kawakinna ni karaua, abuti n akea aia speed pump ao ngkana koa manga noria ni kabuti oin aia ka ao tera ae riki bon te karaua ni buti ao man tam'arakea te speed pump ao riki te kam'anom'ano, are nanona angina ara koraki angkana auota te ka ae tiaki aia ka ao a bon aki kona ni katabei aia iango iai b'a are tiaki korakoraia ke aia m'ane ae bane iai b'a ana m'ane te tautaeka. Te waki aio akea te rikirake iai ao a riai ni kamotirawaki ke ni katuaeaki aomata ae anuaia aio.

Irou ngai ao ariai ni kateirakeaki aomata ae anano ni m'ane man te ririki35 ni waerake b'a tao aiango riki ni m'ane ao n tarab'ai, b'a te roro ae 20 nakon 34 e korakora kabuebuen rab'ataia b'a tao bukina ae ainen office ake atotoka n taian minibus a manga rangin raka aron katamaroaia koaki ataia ae unaine b'are ai te kauraura n ria irouia ao tokina te driver eaki rangin nora raoi kawaia b'a e taurake n te boiarara ae korakora.

Uotakin kaa imiin te tai ao e bon riai n taraki anne ngai irou ao a bon riai n onimakinaki driver ma ngkana iai kawaia ae rangin buakaka b'a tao e a karaoa te ka n raraun iai ma aine ni manging ao e riai n ribotinaki anne nakon te office are tabena. Driver ke taan m'akuri are iai kaan te tautaeka irouia ao a riai ni buobuoki nakoia kaain rarikia ke aia tabo ngkana iai te aoraki ae rangin kainanoa buokana nakon te Onaoraki ke rokon te Tsunami.

Kam rab'a.