Te Ikikina - kaota aram ao rikim n Onotoa
Mauri ngkami ao kaaraki nakomai bwa kam butimwaeaki ma te moangare. Aio nnemi ngkami te nati n Onotoa are kam konaa ni kinai ngkami iai.
Replies to This Discussion
-
Permalink Reply by Tematoro Terauno Buehler on -
Kam matauninga kaain te maneaba aio ma e uara I kona n rin naba ni maneabami aio? Arau bon Nei Tematoro ao bon te I-Onotoa naba ngai mai iroun tamau ae Terauno. Ao aio rikiu ni Onotoa:
Teikaarau buuna Nei Teina boni kaain Temao naakai ao tao iai riki. A kariki naakai ao uoman natiia aine ba Nei Tutana ao Nei Rooriki. Ngai ngkanne boni kanoan Nei Tutana ae e iein ma Tabare ae kaain Beru i Nuka a kariki naakai ao a kaoti Ruumeba ao Kouraabi. Ngai ngkanne I a riki iroun Nei Ruumeba. Nei Rumeba e iein ma Kaibariki n Tabiteuea ao a kaoti:-
Nei Tuararango, Nei Tebonimatang ao maneia Ten Taab'ai. E iein Nei Tuararango ma Kanoanikie ae te I-Aotuukia ao e a kaoti Ten Terauno ae tamau bon ti te riki temanna tamau. Iai tarin Teikaarau ba Taburimai. Iai kanoan Taburimai tekorakina i Toromon ae Nei Tawake ao iai natina ae Nei Mee ae buun Oobaaria ao kanoan naba Taburimai tekorakina naba ae Tiaki ma tarina ae Raatarone. Ngkanne I aaki kinaia au koraki ni I-Onotoa iaoni Kiribati ti ngkana I ataa rikiia mai ieta ao ngkanne I kona ni connect. Kam bati n raba naba ngkai kam kona ni karinai naba inanon ami maneaba aio. Tekeraoi n ami tabo nako ake kam mena iai ao iriami te mauri, te raoi ao te tabomoa. -
-
Permalink Reply by Naaree.Ieremia on -
mauri ngkoe nei ke ten,antai aram ke tamam ma tinam tamam ke tinam kain ia taiaoka katea rikim
ngai arau Naaree Ieremia tamau bon te pure Onotoa mai iroun tamana ma tinana -
-
Permalink Reply by NDTeariki on -
Mauri kain Onoman Tooa. Big hello to Onomantoas around the globe. Tekeraoi n ami waki nako.
-
-
Permalink Reply by Nauto Katarake on -
Eng e koaua arau bon Nauto bomkain Onotoa mai irouin tibuuae Kiriata ma NeiAteba I aki ataia raoi bwa antai aika a kinaii raoi i kawai iaon NZ ma gaia are ia bubutiigkami gkana arona ba kam kinaai kaota ami address nakon nautokatarake@ymail.com
Kam raba -
-
Permalink Reply by Teetoa.Tabitha on -
kam na mauri te nati n onotoa ni kabane..Happy New Year !!
ngai bon kain naba onotoa ma iroun tinau..aran tinau bon nei teaumaere kakati..kakati bon natin beia ma tereta ao iai tarina ae uakeia buuna nei teereba..kakati buuna bon nei teroata natin tetoa ma teikeaki, nei teikeaki manena ten rokouea ae buuna nei tain..i bon aki ikawai i onotoa..tamau bon michael quadina ao buun quadina bon ainen tarawa ae arana nei matarena..matarena bon iai manena ae i uringa ba ten uuro ao tarin nako tibuu ae nei matarena bon nei aborina..nei taatu ao iai riki ma ia bon aki ataia bon ainen tarawa maiana ao abaiang..i bon mamaeka naba iroun neneia i nauru, ana first cousin tamau..
moan te kakukurei ba e reke te maneaba aio ba te tabo ni ikikina ao bon au karab'arab'a nakon are karaoa te tabo aio ba ngaia ae karaoa te kukune ae moan te kabanea ni kakainnanoaki irouia bootan aomata ibukiia kain kiribati ni kabutaa..tekeraoi am waaki ngkoe ae ko karaoa te maneaba aio..
kam bati n raraba ao kam na kabaia ntaai nako..
ngai tetoa robert quadina -
-
Permalink Reply by Roreti Eritai on -
Mauri Tetoa n te Ririki ae Boou!
E rarabwa am kabwarabwara bwa Ia kinako ae tibun Kakati ma Teroata ngkoe. Nao, nanona tinam Nei Teaumaere Kakati Riddell? Ngkana eti anne ao ngaia ao are bon te I-Onotoa naba ngkoe, e ngae ngke mwaiti rekerekem nako.
A rarabwa naba am taeka ni katekeraoi nakoia tarim ao mwanem n I-Onotoa aikai. Ao bon anne ae kakawaki - ataakim ao kinakim bwa kain Onotoa e ngae ngke ko mena ia ma ia. I aki naba ngai rangi n atatai ke rangi ni kinaia kain Onotoa ni kabane ma ti ake I bon tataneiai ma ngaia ao ni kinaia bwa are I aki naba ikawai i Onotoa. E ngae anne ao are tabeua aara a boni kinaki irou. Te kantaninga bwa n ara boti ae onoti aei ao ti na bane ni kinaira iai.
Te kantaninga naba ae abwabwaki bwa a na mwaiti riki aika a kawarira n ara boti aei inanon te Ririki 2010. Imwain ae I totoki ao ai bon au inga ao au katekeraoi ae bati nakoim, n reitaki ma te nati n Onotoa ma ami utu nako inanon te Ririki ae Boou!
Te Mauri Te Raoi ao Te Tabomoa iaora ni kabane!
cite>tetoatabitha quadina said:kam na mauri te nati n onotoa ni kabane..Happy New Year !!
ngai bon kain naba onotoa ma iroun tinau..aran tinau bon nei teaumaere kakati..kakati bon natin beia ma tereta ao iai tarina ae uakeia buuna nei teereba..kakati buuna bon nei teroata natin tetoa ma teikeaki, nei teikeaki manena ten rokouea ae buuna nei tain..i bon aki ikawai i onotoa..tamau bon michael quadina ao buun quadina bon ainen tarawa ae arana nei matarena..matarena bon iai manena ae i uringa ba ten uuro ao tarin nako tibuu ae nei matarena bon nei aborina..nei taatu ao iai riki ma ia bon aki ataia bon ainen tarawa maiana ao abaiang..i bon mamaeka naba iroun neneia i nauru, ana first cousin tamau..
moan te kakukurei ba e reke te maneaba aio ba te tabo ni ikikina ao bon au karab'arab'a nakon are karaoa te tabo aio ba ngaia ae karaoa te kukune ae moan te kabanea ni kakainnanoaki irouia bootan aomata ibukiia kain kiribati ni kabutaa..tekeraoi am waaki ngkoe ae ko karaoa te maneaba aio..
kam bati n raraba ao kam na kabaia ntaai nako..
ngai tetoa robert quadina -
-
Permalink Reply by Namwanoku Barekiau on -
Mauri ngkami te nati n Onotoa iaon te line, Arau ngai bon Namwanoku aran tamau bon Barekiau ao tinau bon Erena ae kain Onotoa neiei are nanona ba tei Onotoa ngai mai iroun tinau ae Erena natin Teaotai ma nei Tawake au kaawa i Onotoa bon Tanaeang ni kaingana are Maunga.
-
-
Permalink Reply by Mrs Maria Kataotao on -
Mauri naba ngkami te Nati n Onotoa ni kabane iaan mwaneabami aei.
Eang ngai naba temanna te I-Onotoa mai iroun tibuu teunaine. Aran tibuu anne Nei Boo, ao iai tarina i Onotoa ae kanga i ongongo irouna kee, ae Meereti ao Tarooro ao tao iai riki ma are ia bon aki ataia..lols..ao irarikina i aki naba atai au kaawa...Ai bon te akea ongou n rikiu ni Onotoa. Ma ngkana arona bwa kam kinaia ara aikai ao kamwa taiaoka n reitaki ma ngai bwa i rangi ni kan ataia naba au koraki ni Onotao.
Kanga ti ngaia moa mai ikai ao eiwati nakoimi kaain te mwaneaba. Ai bon au taeka naba ni katekeraoi nakoimi kaain abara ae Onotoa inanon te ririki ae boou aei 2010. Tekeraoi ngkami ni kabane ao te Uea imarenara n taainako.
God Bless You All
Maria Kainonoki Kataotao -
-
Permalink Reply by japaschen on -
Mamauri ngkami kain te nati n Onotoa nte page aei ao eang tao te moan bwai tao nna kabwarabwarai"
Arau Iatiri, tamau Teuamori ao tinau Mwatewe. Tamau kain Beru ao Onotoa ao tinau naba kain Onotoa ao e itera n Tab North. Tibuu ngkanne mai iroun tamau bon Merenga ao buuna are Bakea ao ana karo tinau ngkanne bon Tanibwarata ao tinana bon Mwatewe. Tibutoruu ngkanne mai iroun Tamau n ana itera tinana bon Awia ma buuna are nei Tina ao i a karautaeka bwa ea toki ikanne ngkanne au ururing.
Mwanen ao tarin ngkanne tibuu te aine mai iroun tamau bon Iatiri ao Minime.
eang kaanga bon te karabwarabwa nakon tao teuaare e create te page aei ngkai ti na kona ni ikikina ngaira ataei ake ti bon tuai mani kinaia riki ara koraki ni Onotoa ao e raraba anne ao taua teina anne ngkami ake taam boutoka nakon aei. e tekeraoi riki te waaki mai ikanne ao tao tia manga bon maroro n taai riki rimwi ni bon ara maneaba naba aei.
tia boo moa -
-
Permalink Reply by japaschen on
-
Mauri riki ngkami te nati n Onotoa ni kabutaa ao eang ti bon teimatoa naba ni karabwarabwa nakon ara creator n ara page aei ngkai e kona ni manga karekea ara tai naba ngaira kain Onotoa bwa tina kinaira ao ni maroroakina taekan Abara ae e tangiraki iroura ae ONOTOA.
eang iai au moan comment are i kanakoa iaon au kabwarabwara ma nna teimatoa ni kabwarabwaraai bwa antai ae ena ataia ao ngaia bon iai naba rarau nte maneaba aei kee ao antai ae ena ataia. eang ngkanne iai nako au koraki akana a tku iaon Onotoa au aunties ao bon tabeman riki ao ngkana kam kinaia ao tai tabwara waekoa naba n reitaki ma ngai bwa i a bon kua ni kakaia ngkai au koraki bwa a mena iaa. Unikai ngkanne aran au aunty ikekei ao a bon mena i Temao ao Aranga naba buun Nenem mwanen naba anne tamau ao tibura ea bon tibwa mate naba ririki aika a nako. Ngai naba au kanganga anne bwa i tuai man roko i abau aei ao ai bon au bubuti bwa tera ngke iai te ibuobuoki mai ikane n aron te reitaki ngaira rinanon ara page aei moarara riki au koraki ake i kani kinai ngkami. Te kanganga ngkai bwa are I a iein ao buu te Meang ma mwiina ao ana banenako ataei nako meang ao n aki ataa Onotoa ma nna tuuka te aekaki ane bwa ena aki riki ahahah ma i a kan kinai riki ngkami au koraki ni Onotoa bwa i a bubutii.
e raraba ao tia manga boo naba ikai -
-
Permalink Reply by Roreti Eritai on
-
Mauri ngkoe Iatiri!
Ko rarabwa ngkai koa manga kaina ara discussion forum aei ao are ieta am kabwarabwara. Tibum are Tanibwarata, ngaia are buna kaini Beru...ae mwakuri (uatiman) ngkoa te EBS?
Ao aram? te ara n Onotoa ke Beru? I bon familiar ma te ara anne bwa iai ngkoa te Mitinare ae Pastor Ritati Iatiri...bon ana koraki tinau n Onotoa.
Ia ongongora iroum ao tekeraoi am waaki n am tabo are ko mena iai...Suva kee...ane taku Abuera.
Tekeraoi ngkami!
Iatiri T Awia said:Mauri riki ngkami te nati n Onotoa ni kabutaa ao eang ti bon teimatoa naba ni karabwarabwa nakon ara creator n ara page aei ngkai e kona ni manga karekea ara tai naba ngaira kain Onotoa bwa tina kinaira ao ni maroroakina taekan Abara ae e tangiraki iroura ae ONOTOA.
eang iai au moan comment are i kanakoa iaon au kabwarabwara ma nna teimatoa ni kabwarabwaraai bwa antai ae ena ataia ao ngaia bon iai naba rarau nte maneaba aei kee ao antai ae ena ataia. eang ngkanne iai nako au koraki akana a tku iaon Onotoa au aunties ao bon tabeman riki ao ngkana kam kinaia ao tai tabwara waekoa naba n reitaki ma ngai bwa i a bon kua ni kakaia ngkai au koraki bwa a mena iaa. Unikai ngkanne aran au aunty ikekei ao a bon mena i Temao ao Aranga naba buun Nenem mwanen naba anne tamau ao tibura ea bon tibwa mate naba ririki aika a nako. Ngai naba au kanganga anne bwa i tuai man roko i abau aei ao ai bon au bubuti bwa tera ngke iai te ibuobuoki mai ikane n aron te reitaki ngaira rinanon ara page aei moarara riki au koraki ake i kani kinai ngkami. Te kanganga ngkai bwa are I a iein ao buu te Meang ma mwiina ao ana banenako ataei nako meang ao n aki ataa Onotoa ma nna tuuka te aekaki ane bwa ena aki riki ahahah ma i a kan kinai riki ngkami au koraki ni Onotoa bwa i a bubutii.
e raraba ao tia manga boo naba ikai -
Photos
Birthdays
Birthdays Today
Videos
-
Nikiranroro
Added by Bhope 2 Comments 1 Favorite
-
Butt Rip Joke
Added by kirimac 1 Comment 2 Favorites
Badge
© 2012 Created by Mr.Ambo.
