Maneaban Nikunau i Tarawa

Mauri ngkami nikabane,

I kukurei ni kanakoa te kaongora nakoimi kain te group ibukin kan atakin taekan te maneaba ao Te Maribo...

Imain ae I wakinako ao nna karautaeka teutana ba ai 2 ngkai te bowi man te taibora ae a tia ni boo. I ira te moan ao I aki ira te kauoua ba I rang tabetabe ma nna manga karekea rongorongona ao I manga kaongora n reken te tai. Ngkanne te kaongora aio e boboto man mwin te moan bowi...

Nna moana te kaongora man bukin iremwen te kateitei, rongorongon Te Maribo teutana, ao ai te babaire ae boou iaon te kateitei.

E riki ni bae katean maneabami iaon Tarawa iaan are e iangoia te taibora ba ena katea maneabami n aban Nikunau ae arana Te Maribo ae mena i Bikenibeu. Te aba aio bon aban Nikunau ae tia ni kaboa ngkoa tao man te 60 tabun ma e tia n tiku taekana ao n aki tabeakinaki man te abamakoro n te aro are taan ababa a manga kabonakoa nakoia tabeman ngaia are e a maekanaki te tabo anne tao inanon te 70 ao te 80 nikarokoa ngkai. E tia ni karaoaki kaokakin Te Maribo n ana tai Tiwau Awira ngkoa ao n ana tai naba Toom Awira n tia babaire ngkoa nte Aan Nikunau i Tarawa. E win te case ma e aki karaoaki te kananako ngaia are bon akea te bai ae tia ni karaoaki ni karokoa ririki aikai ike ea roko iai Taiwan n anga ana buoka iaon maneaba. Ngaia are e manga ueke rimwiakinan riki Te Maribo ba e na reke ba nnen te maneaba. Imwin bobowii aika maiti ririki aika nako ao e bon tuai man tia te case ao e rang kabanemane naba te bobowi ngaia anne bukin te birimane are $50 n te roo...

Nikarokoa te ririki aio ao e bon aki naba tia te case ma iai te rikirake n aron ae ai bon tii te bowi are e rietata. E koaua ae rang kabaea tein te maneaba kaokakin Te Maribo ngkai e bon rang matoa aron okina teutana riki ngkai a bongata taan maeka iai ma e taku ara Lawyer ba akea te kanganga ba e na reke.

E korakora te nanokokoraki ibukin taekan te maneaba n tain te bowi are boo n ana auti Ngutu i Bikenibeu ni moan te ririki aio irouia kain te taibora ao unimwane tabeman ake a reke rokoia n te bowi anne. E teretere ba bon akea te kanganga n te kateitei ma te kanganga bon Te Maribo. Ai ngaia are e mwemwe te kaoti are tera ngke e kona n reke nnena i Temaiku n aron maneaba ake tabeua are bon nnen maneaba iroun te tautaeka. E tia n toki ngkoa te kateitei i Temaiku ma taran ae iai te anga ba e kona n reke nnena i Temaiku ngaia are ngkanne a tiku iaon te iango are e na kakaeaki nnena i Temaiku ao ena bon waaki naba te bowi ibukin Te Maribo. Te moan tabo are reke ao anne ngkanne nen te maneaba....

Anne rongorongona teutana are I kan tibaia ma ngkami n te tai aio ma I a manga kanakoa te update ngkana e reke man minitin te ka-2 ni bowi...

Tekeraoi ao katokaa iaon Atibuna.

Tauanei Marea

Favorite

1 member favorited this

Replies to This Discussion

Permalink Reply by Miss Tahiti and little boy Tiito on July 4, 2011 at 5:17am

Kamna mauri ni kabane kain Nikunau.

Ea motirawa te reirei ngaia ae ea manga reke kaotira ikai.

Ai bon te kananokawaki moa ba ai bon akea te report ke te updates ikai.

Tauanei ai bon ara bubuti moa ba koa karaoa te updates ikai.I aki koaua raoi ba ko bon mena naba nte Taibora ke ea bitaki te Taibora.

Ngkana iai kain Nikunau i Tarawa ae e kona n update ao taiaoka ba kama updates. Brother Areruu ngkana ko mena i Tarawa ao koa nonoria naba mai ikanne ba tera ae e riki.

E koaua ae e koro matoatoan aia bai n tabunea taian squatters akana iaon aban Nikunau i Bikenibeu ba e roota naba te internet ba ea silent te site aei.

E kawa te aba ngkana arona aei.

Kam raraba,

Motiti K Tekua.