Kam na bane ni mauri

Below is the Minute for te Ka-70 n Ririki

MINITIN ANA MEETING TE EX-TABWIROA
ARE E BOO NTE TABATI 21 BEBERUARE 2010
I BETIO N ANA MANEABA TE TAMA IOANE.
1. Aika a roko: E nakon 30 Ex aika a roko n ikotaki ma te Tama Ruatamaki.
2. Kairan te bowi:
E moanaki te meeting n 3.15 pm n te tataro ae uarereke iroun Teibaba, ao ea
waakina naba ana kaongora imwina.
E moa man katukakin te waaki iroun te Taibora ni kawai ao n arona naba are n
ana tai n Iubire IHC Taborio are te tannako ni karikirake nte Parish. E
kamatoaaki moa te iango aio ao ea tiku te Taibora are ni kawai ao te Parish e
bon kona ni waaki ma ana sub-committee nte tai aei.
3. Rinanoan aia Miniti Young Ex-Stutdents:
Ni kanoan aia miniti kaain te young ex (years 2000-2010), ao e oti are e a tia
te principal mai Tabwiroa ni butiia Ex-Students buokana mai irouia n aron:-
i) Buokan te kamarake nakoia irua ake ana roko.
ii) Kairan te tutia n tain bongin te Kauring.
iii) Ao te charter te kaibuke ibukin baoia Ex ao tao bon
kaaro ma ake a kan kaea te Kauring.
4. Tain kawaran Tabwiroa ma tain te Ka70.
E oti ba ena uki kawaran Tabuiroa man 29 April 2010. E oti naba ae na
karaoaki kanoan te kauring man 29 April nakon 2 May 2010 (te tai are ana
okirikaki iai irua, Ex ao ataein te reirei).
5. Kanoan te babaire :
E baireaki ngkanne aron nako te buoka ibukin bubuti ake aoti i eta. N aron :
i) Te mane ibukin boon te amarake nte tai arei, boon te charter :-
a. E a moti ngkanne te babaire bwa ena taabangaki te biri ae $20 mai
inano i aoia Ex-Students ake a mwakuri ao e uki naba are iaona.
Aio te biri ibukiia ake i aon Tarawa ae banin.
b. Ibukiia ngkanne Ex ake a makuri ke ni maeka i overseas ana bon
kaongoaki nte email ao ni katukaki irouia aron ai anga.
Ibukiia ngkanne kaimoa ao e na reitaki te aba ma Teteu Tinara te
ex naba neiei are e makuri n te SPMS ba ena kaongoia ao aiarona
naba ma ake a makuri ni kaibuken Tiabaan ena kaongoaki KFS ao
KEMS ba ena kaongogo naba.
c. Ibukin ngkanne rikoan aia biri kaain Teinainano ma Betio ao ena
reitaki Teibaba ma Nei Bwebwetaake nte Foreign Affairs ba ena
karekeia agents man taian botaki ni makuri nako are ena rikoi aia
biri Ex members n aia tabo ni makuri ao n angan te Tia taua mwin
te receipt book nte Parish are e mena iai.
d. $2,000 man taian Parish aika Bikenibeu, Teaoraereke ao Betio:
Ibukin aki atakain raoi te mwaiti ni mwane are e na kainanoaki
moa nte tai aei ibukin te charter ma te kamwarake ake ngaai
tibwangan te ex, ao e motikaki n te boowi bwa e na manga bon
tannako te parish teuana ma teuana ibukin karekean ao kaatian riki
temane. E a moti ngkanne bwa kaka $2,000 ana takete te Parish.
Te maiti aio are bon i tinanikun te biri are $20.00.
e. Fund raising:-
E oti ana aanga nano Nei Maria kabonganaan ana bar n nangkona
(Clinic bar – Takoronga) ibukin te karikirake te mooi tianti. E
butimaeaki ma te kakaitau ao ena ongora te tai are e tauraoi iai ni
kabonganaaki ana bar ba ai bon taben te Ex karekean ana powder
ao baina nako ma touatinakin te tai anne.
ii) Karekean kunan te Ka70 n ririki + te Tutia:-
E bonnanoaki te iango ibukin karekean te kuna nte tai anne are e aitara
ma kanoan te bong ae te Ka70 n ririki ae na kairaki nte nooti ao n
raonaki ma kunan te Tutia ni kauring are ana karaoia naba Ex mai
Tarawa.
E moti ba n tian te kuna ao ena reitaki te Tama Ruatamaki ma Parish
aika 3 (Bikenibeu, Teaoraereke ao Betio) ni kaongoia aia tai are ena
karaoa iai aia kamate anene inanon aia Parish. Ena ibuobuoki te Tama
Ruatamaki ma Ioteba Tebano ibukin te kuna ni kauring aio ma are
kanoan te Tutia ni Kauring.
E bubuti te Tama ba ana ibuobuoki Ex n aia Parish ni kaea te tai ni
kamate anene are ena katanoataa ngkai e uarereke te tai.
E iangoia naba te Tama Ruatamaki ni kawara Tabwiroa ma tabeman
ataeinimane ao ataein aine nte weekend teuana ibukin kamatean naba
te kuna n Tutia ba e aonga ni bon runga raoi te anene n nebonebo nte
tai ni kauring anne.
iii) Iangoan aia kaboraoi (uniform) Ex-Students :-
E mwemwe iangoan aio ma ea noraki nakon te bowi are imwina.
iv) Buokan katanoataan te waaki ibukin ana ka70 Tabwiroa ;
A butiaki aika a roko nte bowi aio ba a manga kaongoia ake a kaitibo
ma ngaia, riki nakoia ake aki reke rokoia, ba ana kataia n ira te bowi
are ena manga baireaki taina ngkai.
v) Tain te bowi ae na roko:
E moti ba ena riai te bowi teuana nte namakaina ae Maati, ao ai manga
noorana imain riki uakaanin te tai. E riai ba ena nooraki mwin babaire
nte tai ai oba a baka iaa nte bowi ae na manga boo i Teaoraereke n Sto
Ioteba maneaba nte bong ae te Tabati 14 n Maati moa man te aoa 2pm.
vi) Kainan te bowi:
A kaitau ikawai ake a roko nakoia riki ataei n rokoia ao n aia iango
aika a rangin tamaroa, ao riki nakon te Tama Ioane ibukin ana kariaia
kabonganaan ana maneaba ba ena bowi te Ex Tabwiroa iai nte tai aei.
Imain te maenako ao ea anga ana karaoiroi te Tama Ruatamaki imwin
ana tataro ni kainiin ae uarereke. E maenako te koraki inanon ana Raoi
ma ana Tangira te Uea ngke ea boo 5.10pm.

Kam raba ao tekeraoi

Ms Bwebwetaake Tioti (Ministry of Foreign Affairs & Immigration, P O Box 68, Bairiki, Tarawa. Phone: 21342)