Replies to This Discussion

Permalink Reply by Mwakaata. Ebanrerei on March 7, 2011 at 4:09am

To Areru,

 

Ko rang n rarabwa ao i taku ba bon te iango anne ae rang n tamaroa ao man kakawaki naba iroura ngaira tibun Santo Iotebwa ake a tia ni bane aia tai ao ni ikotaki naba ma ake a reirei ngkai, ao ake a na manga kaaina inanon boong rake aikai. Te tataro ae te novena bon te bwai ae e rang ni kakawaki iroura ngaira tibun St Iotebwa are e kona n annaki either nakon Santo Iotebwa ke Santa Maria.

 

I kan titiraki ba e ngaa iai ae ti na kona n reitaki iai? (St Iotebwa ke St Maria). E rabwa riki te iango anne ao i rang ni kukurei n boutokaia maikai ao ai uaana naba ma ataein te reirei aio (SJC) ao bon bwaanau ae mangori naba nakoia kaain te liturgy committe n ara tabo aio ba n butia ba a kona ni karaoa aia program nako iai imwain are bon ana toa raoi ara patron ae tangiraki.

 

ko rabwa riki ao tekeraoi am waaki maikanne.

 

Mwakaata E Taboiaba

SJC - Tabwiroa, Abaiang.

Permalink Reply by Areruu - teonikabebe.org on March 12, 2011 at 5:57am

Apology Mwakaata,

 

E a manga tiba reke au tai ni kauka au discussion aei. Ko raba, tao e a late teutana te kaeka ma ngai I a tia ni wakina au novena n te taetae ni Matang. Irarikina ao are I bon taku ba e nga ae ko waaki iai akea te kanganga. E ti kakawaki b'a ti na reitaki n novena ao ni butia St. Joseph buokan te reirei ao ngaira ni kabane ake ti a tia ni bane n reireitaki aron te m'akuri (carpenter)  i an te menga, te ekaretia ao ai aobiti aika a kakaokoro, ngkai ao n taai aika a na roko. Hope ko a tia ni moanna ma am mitinare ao ami ataei ake a tauraoi n reita te tataro aei.

 

Buokan nako te maiu n tamnei n aron bannan St. Joesph. Katauai b'a n na tib'ai teken nanou n aron maiun St. Joseph. "Arana" bon ngaia ae e kaoti arona tabeua ngke e kawakina te Utu ae e Tabu.

 

J = Joy: Bon temanna ngaia ae iai rakan arona i buakoia taman te utu ngke e anganaki te muioko b'a e na tararua Natin te Atua. Bairea ngkanne te kukurei are irouna! Te kukurei bon teuana naba kingin te rau ma te mengaraoi inanon te utu.

O = Obedient: E kakaonimaki nakon te Atua n aron karinean te na tua ma babaire rinanon ana aro ae te Iutaia. E aki kan tarabuaka ao e ukera aron kanakoan Nei Maria ngke e a kunea b'a e bikoukou. Ma ngke e kaoti te anera nakoina, ao tiaki n ae e rawa ma e ongotaeka ao e kawakina Nei Marai ma Natina man te na ni kabuanb'ai.

S = Simple: Tiaki ngaia temanna ae e kaub'ai ma bon temanna ae e rang n rau arona. Bon te kabenta ngaia ao man rabakauna anne ao e karikirakea Iesu i nanon te m'akuri i an te m'enga.

E = Empty: Ngke arona b'a te tama ngaia ni kamoamoa ao e na kaman tataekina aron Nei Maria ma Iesu nakoia raona n m'anenuma ma kaain nako rarikina. Ma e kakea te iango anne ao e moanib'aia riki kawakinan Nei Maria ma natina i bukin te rongorongo are e a tia n tuangaki. Ribuakon taian rawawata ao e teimatoa ni kakea ngaia ma n aki taua oin nanona.

P = Protector: Bon temanna ngaia ae e raka aron ana kakawakin ma bannana n tama ngkai e tob'a Tinan te Atua ao riki bon Natin te Atua. E uarereke rongorongo mani karaki (tradition) ma arona ni kawakina te Utu ae e Tabu bon te nakoraoi, ngkai e a tia te Atua n rineia i buakoia m'aanen Iutaia b'a e na kawakina Nei Maria ma Natina.

H = Hero: E aera ngkai I aranna b'a te "hero"? I bukina b'a ma arona ni kawakina Nei Maria ma natina man moan rokon te rongorongo irouna ni karokoa matena ao e a tia n tokanikai n arona ni kabane. N arona n ongtaeka, n arona ni karinanoa, n arona ni karinea kaain abana ae Nei Maria, n arona ni kaikawarake Iesu n te katei n Iutaia ni kaineti ma aroia moan nati m'ane n te utu. Ao a m'aiti riki arona ake a bon kaota raoi te nakoa n tama i nanon te utu. Irou ngai ao bon te banna ni katoto nakoira ni kabane ngaira aika taman te utu n te tai aei ma tai aika a na roko. Bon te banna naba ni katoto nakoira ni kabane n arona ake a kaineti ma aron maiura aika a kakaokoro.

 

St. Joseph bless us.

 

Cheers

 

Permalink Reply by TMC on March 16, 2011 at 5:26pm

mauri Areruu and Mwakata

kam uara? kabara buren ngkai ti ba nori ami comment eaeara ea bon roko te bae te busy busy bee maikai. i tiba manga bon roko ikai ao raraba am kauring Areruu ea tia nako te bong are nna karaoia iai au novena n retaki mangkami sorry aoria ma iamanga karaoia nakon next time, but will remember tabwiroa ara reirei ma kaina nako n au prayer. eraraba te kauring. i wish ba nnang active riki later. tekeraoi riki nakoimi ni kabane.