Te Moa ni bong
Santo Iotebwa i bukin arom
N rinanon taini Koroboki ma raona te tataro,
Ma arom ni kariaria te Metia are e taekinaki

ao koa warekaki ibuakoia “anawim”
‘ana koraki Iawe aika a  mangori’
Buokira ni barua ana Taeka te Atua,

Ba a aonga n tatauraoi nanora
Ni butimaea rokona, ngkai ao n aki toki, Amen

Te Kauoua ni bong
Santo Iotebwa, ibukin arom ni bubutimai ana baire te Atua
Ma n tatauraoi ni irira nanona,
Ao ko a riki ba kainaban Nei Maria,

ao te tia kaikawa natina, Buokira ni kakaonimaki

nakon ana iango n tangira te Atua
I bukin maiura n tai nako, Amen

Te Katenua ni bong
Santo Iotebwa, Ngke ko noria ba e a kariki Nei Maria,

ao ko aki ota ao ko aki ata arom
Buokira ngkana ti nanououa,

ba ti na ukera atakin ana iango te Atua
N aki kan kabuakakaia raora,

ma ti na karineia ni kawakin atongaia, Amen

Te Kaaua ni bong
Santo Iotebwa, Ngke e roko ana tai Iesu ni bungiaki,

ao e aki reke nnena n te auti ni irua
Ma ko karekea ana tabo n te nangananga
Buokira ni kina Iesu ma te kukurei,

ngkana ti butimaia n te Eukari
Ao ngkana ti akoia raora, Amen

Te Kanimaua ni bong
Santo Iotebwa, Ko bae ni manga nako

ngke e kani kamatea Iesu te tei Erote
Ko tararua maiun te ataei n te aba ae Aikubita
Tataro i bukia akana a raroa ma abaia
Buokira ni karekea kabebeteaia
Ma ni butimaia ianena akana i buakora, Amen

Santo Iotebwa, E iangoa kamatean Iesu ngkoa Erote
N tai aikai ao a maiti Kiritian
Aika a bainikirinaki i bukin aia onimaki
Bubuti ba a na kakorakoraki n rarawataia
Ao a na anganaki te kantaniga ae e kakukurei
Ti bia kaota kakoaauani Kristo n tai nako, i buakoia
Aomata aika aki bati, n taua ana reirei, Amen

Te Kaitiua ni bong
Santo Iotebwa, Ngke e bua Iesu te tei,
Ao kam kakaea, ngkoe ma Nei Maria
N ua rekena.
Buokira ni kabanei nanora
N ukera Kristo ni koaua
Ba e na reireinira te rikirake ni wanawana
I nanon ana akoi te Atua,
N te ongotaeka ae raona te tangira, Amen

Te Kawaniua ni bong
Santo Iotebwa, tataro, Ba e na uana ara makuri ae ti keiaki iai, Ni
karekea te raoi i aonaba
Ko a tia n tararua maiuni Iesu ma Nei Maria
Buokira n onimakina ana kawakin te Atua
Ma ni makuri nte bonnano
Ba eaonga n reke iroun te aomata nako
Te tibanga ae e tau n ana karaoiroi te Tama, Amen

Te Karuaiua ni bong
Santo Iotebwa,
Ae mataniwin te Utu ae e tabu
Ko bon atai taiani  katabetabe nako
Aika kanoan te bong koraki
Buokira n ara makuri
Ba ti aonga ni kabonganai raoi
Taiani karea aika mairoun te Atua
Ko makuri ngkoe ma Kristo ao ibukina
Buokira ni katotoni maiumi
Ke e ririkirake iroura te nano ni ibuobuoki
Ao te kakaonimaki nakoni weteara, Amen

Memorare
Santo Iotebwa, ae te banna ni kakairi
Ma te tia kawakin i bukia
Akana a tangira Atinibanin Iesu
Uringnga ba e tuai man ongo te aba
Ba e a tia ni matebuaka te aomata temanna
Ngke e butiko kawakinana ma buokana
Ma ngaia ae ti a onimakiniko,
Ngkoe kainaban Nei Maria ae ko itiaki
Santo Iotebwa ae ko raoiroi
Ae ko natina te taeka are e riki n aomata
Ongo banara akoa ara bubuti Amen

*Atonga te Memorare imwin banen bong teuana, bongi uoua etc