Comment

Comment by Lucky125 on January 25, 2012 at 4:41am

Ao Ti Nang bane n ngare OOO hehehehe

E tibwa roko mai tarawa ao e aitara nba ma te dance n te nice bono i onomaru. te iruaa ngaia ao e ira temanna raona reirei n te form 6 ae i taritari ma ngaia  n motirawa i butaritari. 

E bae ana kai ma temanna te ataeinaine ao e okioki n katikia ao ea reke naba nanona n te tai arei.  Neierei are te rebe naba n meang irouna ao tokina a motikia ai te biriakinnako irouia.  Neiere toana arei e aki kinaa naba teuaei bwa e tibwa roko n ana auti i onomaru n te tairiki anne n okina mai irouia aia koraki mai i ukiangana ao a kaea naba te nice bono.

E moti te moti irouia ao a baireia bwa n baran te dance ao a iri nako naba.  Teuare tem mwane e tuanga raona arei bwa ena iri neierei nakon ana ana auti ana karo tarina are itaritari ma ngaia.  e rang kukurei te ataeinaine arei.  E aki tabara teuare temmwane ma ea kaongoa naba tarina bwa ena airi ma temanna te ataeinaine n baran te takakaro ao e butia tarina arei bwa ena rimoa n kaongoia ana karo bwa aonga n katauraoa aia tabo n matu ao aroia.  e aki tabara tarina arei ma ea okirikaki naba n kaongoa ana karo.

E aka te katauraoi tera irouia kain te bata arei bwa are a mama bwa tarin natiia are roko e nang kaira raona nakon aia auti.  N baran te takakaro ao aki tabara e kaira naba raona te irua arei. e rang mimi neiere e kairaki bwa kanga ea bura kinaa te auti are ana bakarereia bwa bon ana auti ana karo te ataeinaine arei bwa mwanena are itaritari ma teuaei.  e wii ngenge neiere te aine ao e taku, nao kan tuangai ko nang nikirai n au auti??  e taku teuarei " neiko i aki bwa i kairiko nakon ana auti tariu".  ao neierei e rang mii roaroa bwa are aki naba kinaa teuaei ao e taku. e aka ko manikangare.  ngke a tabe n maroro ao ea roko naba are tinan neiei n wetea aran tarin natiia arei.. " Terieta kaira raom anne bwa e tauraoi ami buia ao ngke  nee tai raraoma bwa tina mananga n kabara bure ngkai.  bon ami bure anne kam kan kauarereke ao ngke ngkai kam bon boakinaki rai.

E rang mii nanon neiere te aine ngke manga wewete tinana nakon Terieta are raona bwa ena kairaki bwa e tauraoi te buia ibukia ao aia bwanga.  e aki ngongo ao e minotaki ana kantaninga.. Te kabuanibwai bwa ngke a rang iremwe ao ea waekoa naba tinan te ataeinaine arei n taua bain natina te aine man tuanga Terieta bwa ana kawaekoaia mwina a roko ana koraki raona arei.  Bon te kuba ngke katika bain raon Terieta rimona ao e kuba ngke a roko n te ota ao ea tanrikaki n taraa te ataeinaine are kairia ao ai bon natina are karimwin natina temmwane are itaritari ma Terieta.  E bubua matana e manga bubuia riki ao te karo are tekateka n te buia e takutaku man taku " kai ko kaira neienne ao ngara tangaia natim akeke ko nakoia.  Wetea Terieta bwa ena kaira raona.  E bae newen te Tina arei ao e tanrikaki ao e aki ngongo.  neiere te nati e taraa tinana ao ana karo ao manga tanrikaki nakon Terieta are e itaritari ma mwanena.

Teuare Terieta e rimwi ao e taku " shh aio neiei ma tina wene iara?? e bane te kaina bwabu.  E tabeka bwanana te karo ao n taku " Terieta neiei karimwin Karotu ao bon mwanem bwa mwanen tarim are Karotu.  Ea kangara naba n riki aio nakoimi?? ai batira ainema mwane ao ea riki aio nakoimi. ngkoe nee tokin rebem ko a kai irinako naba ao ko aki ataia ae bon umam ae ko manga kairaki nako iai.  e bane te ioo n ngare irouia aia koraki ao taan biriakinnako a mata ranran.  taan kabara bure a manga karaoa te kangare bwa a manga tekateka n kaitaraa te karo arei bwa ana kabara bure.  e taku rere te karo ao man taku, tia bane n kabaroua irouia natira aikai. hehehehehe e moti moa anne uboia....

Comment by Lucky125 on January 20, 2012 at 1:49am

Tina Ngare Riki Hehehehe

Te Kaawa ae Tanimainuku i Butaritari.  I roko iai imwain okiu tao n moan wiikin Tianuare te ririki aio.. I kaea te Maneaba n katonga te amarake n karaure ma aia Katekiti ao ea nako naba te mooi nangkona imwina.  Te kaawa aio tao kam ataia n rongorongona are e rang kiri atibu ao kainanoia ti te kau.  I kaunai (slippers) ao i katuka au kau i akuu.  Inanon ara tai n mooi ao ngke ti nang mwemwe ao i kuba ngke i tanrikaki ao ai akea au kau. akea kain bukiu bwa ti te bwanga ae bae iai ao temanna te aine ma natina inanona.

Ea kakaeaki au kau ma e aki te roko n reke.  I bon ngare ao i uringa are n te runga n takakaro i Tarawa tabeua te ririki n nako are ngkana ko kaea Tengaruru are e mena iai ana tiim Butaritari ao e bae n bua am kau.  Ao tokina a kuneaki kaau inanon tutiketi ma hand bags, e kua ma te kau are ea bon mane e banganako naba.

E mino au kantaninga bwa ea kangara naba n bua au kau ao are ti te bwanga ae mena i akuu. I bon kaunia ao i taku e uara i karekei nimami nangkona ao ami katekeraoi n te bingko ($$) ao kam a manga kimoa au kau. e bane te ngare ao ena reke mai iara e bua n anti..

Te bong are imwina i nako Butaritari ao i kaboa au kau.  Ngke i manga okira Tanimainuku ao ea kaman reke au iango.  ea manga boo te mooi ae moan tairiki inanon te maneaba ao e rang bati naba kaina bwa are aine  bingko e boo te tamnei arona naba n te bong are mai imwaina. i katuka au kau ao i kabaea n te kora nakon roon au kawaerake. Ti kamronron n mooi ao e bati kain ara kamronron matamwane.

E bon aki maan ao ea buriburitaki naba au kora are bae nakon au kawaerake. Te kabuanibwai iroun te Tia anai kau bwa ngke ea tbeka te kau n uotia nako ao ena kangara are e bae mwina nakon au kawaerake.  e bora te mimi ngke ia maing bwa e katikaki au kawaerake ao e taraaki mwina ao ai te kau are bae n te kora i bain temanna te aine are ea abokaea te aboka n baba n katikitikia e ngae ngke ea kan raeuaki roon au kawaerake.

Ea boo te io ni ngare ao matamwane akeke raou a bane n taraai ao te ngare are ngare naba ao te aine arei ea tei ao te kau irouna ma korana are tiki nakon au kawaerake.  are ngare naba te koraki ao ngai are ia taku naba e uara ko mwane n te kai n kabwaru.... mwina i kabara ao i anganna au kau ma ea rang taonna te mama ao ea birinako n otinako n okira ana auti bwa ena kangara te ngare ea riao bwa are ea bane n noraki. e riki bwa te karaki imwina ao aranai bwa i rang mamanna buaka. Uboia Uboia ao uboai naba heheheeh.

Comment by Lucky125 on January 18, 2012 at 7:13pm

TINA KAMARIKAIRA N NGARE HEHEHE PART 2

Kairan tataron Easter ke Bakate last year i Ukiangang.

Temanna te Tia ibuobuoki n ara aro n katorika iroun te Katekiti i ukiangang n mwakorona are Te Ake.. E rang onimakinaki n te oro tai ao kairan te anene n Tutia. 

Bon te kabuanibwai irouna tera ngke ea roko are tairikin te Kaabong Tabu ao ea waaki rake n anga te kuna n kaukuki.  "Bon te bong are tairikin te Kaabong" kunana are ena kaukuki iai.  E tekateka te Tama man tataninga te kuna n kaukuki.  Te mimi tera ngke ea katanga rietan kunana ao ea kabuanibwai ikanne bwa ea katanga te kuna are " Te bong are te kaabong......"  Ngke ea nako te kuna arei ao akea bwa e aikoa aeneaki are " Bon te bong are tairikin te kaabong imwain ni maten Iesu..." ma ea aneneaki are kunana are katangnga are " Te bong are te kaabong i aki nooriko (ai te tang n aine), e bon aneneaki nako ao te Tama e rere matana n taraa ana tia Oro tai ma ena kuba te tia orotai are e waaki naba ao taan Tutia a reitia nako naba ma a bane n mimi ngke a roko n te chorus are " Ko taenoa te nako n boborau, ko kan nako n ira te boborau n ieiea nanom" a bane n itaramata te koraki imwin anenean te chorus bwa a tibwa noticed ae tiaki kunan te aro ma ai te tang n aine... ea ioo te ngare ao te Tia Oro tai e taraa te Tama ma matana aika a rang mata n kan nanoangaeaki ao n ngongo atuna.  Tera ae riki?? e titiraki te Tama, "Ti aki roko ikai ibukin te aine are te tia boborau ma ti roko ibukin neboan ara Ti kamaiu. e boo te ikotokoto n koteaki te Tia orotai n karokoa akea riki ana anga ma ea bwaka naba n katorobubua imatan te Tama ao n abokaea te aboka n baba.  tokina e aki nako manoku n kataneiai n te ririki aei.  Uboia, Uboia ao Uboai moa hehehehe.

 

Comment by Lucky125 on January 18, 2012 at 3:40am

NGAARE BWA TINA KAMARIKAIRA:

N tain te mooi nangkona i temanokunuea i butaritari n ana kava bar Ioakim.  Are kanga i boou bwa i tibwa roko mai Tarawa ma akea bwa ia kuaki n kaboan te basin.  Ea ti kaoti naba Nabuaka ma raona temanna te aine ae boou naba matana bwa te irua (tarin kainabana).  Ea mereaki naba te aine arei ao a titrirakinai bwa are i tibwa roko naba mai tarawa.  I aki tabara bwa ia kaekaia naba ao i keweia bwa angkoa neierei te student nurse.  Tera am iango ngke a ongo ae te student nurse?? aki tabara a wetea naba Nabuaka ma raon arei man butiaa bwa ena kabuta nimaia neierei.  e aki tabara neierei ma ea toka naba irarikia ao are ea boo te kuri.. are taona bubuan waena ao are e manokaia mai akuna ao are ea boo te wii n kababa.

Temanna e rang smart bwa Christopher ao e weteai man taku, Nao e aera e aki boiarara te aine area?? ao ririna e koro kiaba?? kanga ai bon tiaki te student nurse?? i keweia ao n tuanga bwa are anne a kakabongana n te tairiki are te riri ae koro kiaba. ko ataia bwa tera ae riki. ngkana e bane kanoan aia basin aki tabara ea nako naba te order ao ea kuriaki kaboana.. a bane n auti aia buua n buti aia mwane. ia kan mate n ngare bwa are i aki okiraki n boon nimaia bwa ea nako te kakan kaumwane.

Bon tabeua te aoa imwina ao akea bwa ea kan mim aia uee are te student nurse arei. ngke otinako nakon te roki ao e oki ao ea kabuanibai naba bwa ea tei iaan otan te taura ao manga ngare n kainetia taan ooi akekei. ai bon te kabuanibai bwa ngke ngare a bane mwakamwaka wiina ao iai naba are akea. a bane n itaramata kain te kamronron ao a wirikiriki, " ao e mwakamwaka wiina" ao tabeman a taku" ao ao iai naba wiina aika a ngaro".. a tanrikki nakoiu ao ngai are ia kan mate n ngare bwa e aikoa bane au mwane bwa are ea boo te kakan kaumwane irouia ti ibukin te sudent nurse arei.

Ngke oki neirei n tekateka ao ea boo tei butibuti bwa a rawa n kaniia ao ea kaunaki kaboan te mooi n aia raaun are imwina ao tokina e teirake anne n nako n karokoa ea bon tiku Nabuaka ma tarin buuna arei n nganga n nangkona ao akea boon nimaia.  heheheh uboai moa ma au karaki  are bon te koaua anne...tekeraoi

 

Comment by Tei Meang on December 31, 2011 at 2:38am

Kam na bane n mauri tariu ma mwaneu n te ririki ae boou aio!! Bon te bwanaa n kakatekeraoi ngkami i nanon ami bong aio n ami tabo ae kakaokoro nako.E boo baira bwa e nako kain te kaririki i abara ao tao ti a bane naba n uringiia ara koraki ake a tiku i abara ae tatangiraki man babantoo aona.Kam na tetekeraoi ao kam na kakabwaiaki n ami kaririki aio.E na riki te ririki aei 2012 bwa iriara ma reireira ao kairuara nako ma bwaai n kabane ake tia tia n rinanona ao manga taraa te ririki aei bwa te kukurei ao te i tangitangiri i marenara nako.Ami bau ana bau Kiribati are Te mauri te raoi ao te tabomoa nako.I a katokaa ami bau are boirara are kam bon ataia akea kabotaua ma ibuakoia Uee hehe..Cheers to u all Ueen te nikabubuti :) HAPPY NEW YEAR 2012 ! God bless us love you all xoxoxox

Comment by Kiro on October 9, 2011 at 10:49pm

Taranibeia, ko noora tetei ni mwane (boy) ane e tobwaki mai moa anne tao 10yrs old nte tai anne n 1947 ao nanona nte ririki aei ai 74 yrs old. Nanona naike around 70 yrs old ana bae ni kinaia ma kakaea kain Butaritari ae kain te roro anne ae tao nte range 65 - 70 yrs ao kaotia nakoia te photo anne bwa tao ana kinaia riki ao koa share naba.

Comment by Kiro on October 9, 2011 at 10:43pm

Eng kee gaia akea ae ko kina nte photo anne. tao bon bae ni iai am bakatibu i buakoia ma are ai koa kona ni kinaki ngkai irouia teroro aei. Ngai naba akea ae I kinaia iai ma tao ana kinaia riki naike a uarereke n taai aikanne. Tuanga am karo ke tibum bwa a kona riki ni kinaia ao koa manga share.

Ngkana e reke riki au photo mai iroun au friend ae karaoa te post world war II history for kiribati ao ia manga katokaa. anyway ana population Butaritari n 1947 bon 1,824 imwin te buaka.

Comment by Ms Taranibeia M Iobi on October 9, 2011 at 10:27pm

iaa ao upload riki ngke am tamnei ngkekei ba tia kamaui matara ni kinaia ara bakatibu ba akea ae i kina ngai mai ikanne

 

e tau ma e raraba ao tekraoi te waaki

Comment by Kiro on October 6, 2011 at 10:32pm

Mauri ngkami, I kan share nakoimi te photo ae tameia kain Butaritari ae e raweaki n 1947 imwin te buaka on board US Coast Guard Kukui irarikin Bikati (Butaritari). Anne tameia ngke a katokaki nte kaibuke anne bwa ana mataku nte Film. Ngkana kam kinaia kain te photo anne ao tia manga ongora iroumi.  

Comment by Tei Meang on May 30, 2011 at 3:18am

Mauri moa ngkami kain makin ma Butaritari,Are e atai nako naan nako tarin ma mwanen tibuu teunaine ae Beretita ? aikai te ara unimwaane ma unaine aikai,Ioane,Iabutina,Karakaua,Mataniuea ao a mwaiti riki,tinaia teunaine Bobure ao tarin Bobure nei Tita ..ngkana iai nako kinakiia unaine ma unimwaane aikai ao ngkanne tai tabwara n kaongoai bwa au koraki ngkoe n kaan Makin ,kam rabwa ao kam na tekeraoi ni kabane xoxox

• ‹ Previous
• 1
• 2
• 3
• …
• 11
• Next ›
• Page