Nakoira ni kabane ake tia roko iaan te mwaneaba aio ao ngkami ake kam iangoi rinimii iaan Maneaban Nonouti kam na bane ni mauri...

E rangin rabwa tenaan iango ao kaotakin rikiia tabeman iaan te mwaneaba aio bwa e kona ngaira ake tia tibwa rin ni kinaia ake ara koraki ao riki kain ara kaawa ao irekereke aika a kakaokoro...

Ngai bon kain Nonouti, I bungiaki iTaboiaki nte kaainga ae Tengeauareke n 29th Aokati 1981...ao ma ikanne ao I roko iaon Tarawa nte ririki 1983 ao ai bon kiitanan naba Nonouti ni karokoa ae I a manga oki nako Nonouti n 2005...

N rokou iNonouti ao bon akea ataakin marenan kaina ma kaawana ngkai bon akea au uruuring n taraana man te tai are I kiitana iai Nonouti...

Au kaawa Taboiaki, Teuaabu, ao tao iai riki ma I aki ataia mairoun tibuu te unimwaane ae Tebotoa Kauriri ao Rotimwa, Temanoku ao iai riki ma I aki ataia mairoun tibuu te unaine ae Aukitina Tanentoa...

Tao tii ngaia anne ao kam na tekeraoi ao te kaunganano nakoira ni kabane bwa e bane ni bongana ara konabwai tiaki tii ibukira ma ara utu ma bon ibukin abara ae Nonouti ngaia ngkami ngaira te roro ae tabe n rikirake tiia tabekarake abara n iango aika a raraoi ao a na manena ibukin karikirakean abara ae Nonouti bwa e na tiku n arona ao n aki rootaki ni kangangan te maeu aio n aron biriraken boon te kaako, uarereken te mwakuri bwa a na unga kain Nonouti ni maeu ao ni maeka n ae bon reke maiaon abaia ao e riai ni kaungaaki te ununiki ao te ewenako n taraiaro irouia kain Nonouti bwa e na aki bwaka abaia n uneakina amwaraken tinaniku ma a na kamoamoa n ana konabwai ao n kaubwain ma marin abaia...

E nakoimi te iango ao uotia maikanne bwa tia kareke iango iai...

Kam na tekeraoi ao ara bau ma ngkami, Te Mauri, Te Raoi ao Te Tabomoa.

Kam bati n rabwa.