Replies to This Discussion

Permalink Reply by Makororake on November 3, 2009 at 3:12am

Mauri ngkami!!! Ia bon tiba noora aia maneaba kain abemama aio ao itaku ngai ba ai bon ti abara ae abemama ae akea ana maneaba................. e raraba ngkai ea manga reke te tai ni kakaitibo n ara maneaba ae kakateke aei. Kanga bon au iango nte kamakuri ni kaibuken abemama... kanga au koaua iai ba are a bon riai ni makuri aomata aika a bon tia ni mamakuri iaon kaibuke nako.......... I mean the experience to work as an able body seaman. Ao te koaua kea kakaea moa mairouia kain abemama akana mena iaon abemama moa ao imwiina a kai kakaea iaon tarawa ngkana eaki koro kaina are e tangiraki kee kanga??? kanga ai bon au iango anne mai ikai. Ngai ngkanne bon kain abemama ni kakaiaki ao au kaawa bon ana capital abemama are Tekatirirake..............hehehe ao ngke kam na tekaraoi ni bane natin abemamaa

Permalink Reply by Teebora Airam on January 21, 2010 at 4:48am

mauri te nati n Abemama mai Tokamauea nako Kabangaki ao Abatiku, e rabwa te tabo aio bwa ti a manga bon noria kain abara aika boboto man tikauareirei taratarakia ian te mangroro.

Kanga iai au iango iaon ana kaibuke Abemama ma i aki kona ni kangai bwa e na nakoraoi ke e na angabuaka ma aio kanga au katamaroa

1. E tamaroa ngkana e karaoaki te interview irouia nake a kan mwakuri
2. E na riai ni iai te experience iaon aron te mwakuri
3. Ana akea te inanonano ae e na karaoaki n tain te interview
4. E aki matter bwa kain Abemama ake i Abemama aika ana mwakuri iai ke ake iaon Tarawa

Kanga bon aikai iango ma kantaninga ao ngkana a aki uana ke bongana e aoria bwa are bon bwai ni kakataki ke kenga iroumi??

Tekeraoi riki ngkami ao tia boo moa

Permalink Reply by Iaareto Kabunare on May 13, 2011 at 12:43am

Aio raoi taekan karekeaia kaain te kaibuke are arana MV Maman Taiwan. A karekeaki kaina man te Kauntira n Abemama. Akea rekerekeia natin Abemama i Tarawa ibukin karekean kaaina. Bon ti ana waaki te Kauntira ao te Te Boutoka ae a karaoia . Te nati n Abemama iaon Tarawa akea katabeakiia iai, bwa are e boni moti ni waakoro Abemama Kauntira ao te Boutoka iaona. E bon iangoaki n te moan tai bwa e na kabutaki n te Taibora n Abemama are iaon Tarawa ao a karaoa te boraraoi ni mwanangaia ae  a nako Abemama te Tia Babaire ao te Tia Mwane n te taibora ao n rokoia ikekei ao a uotia rake nakoia Boutoka ma te Kauntira ma a keweaki bwa aongkoa te kaeka eng ma akea te bwai ae riki. E na ota bwa karekean te kaibuke anne ibukin kabwaiaia kaain Abemama aika i Abemama ao ake i Tarawa naba ma are bon arona bwa ai antai ae nang aki kan anaa te kabwaia. Kaain te Board bon angina kain Abemama i Abemama ao ti temanna i Tarawa bwa te Tia Babaire n te Taibora. E kamwengaraoi te mwamwananga iaona be rietata ao e aki roko taari iai. E birimwaaka ibukin kaean te tai ni mwamwananga are kantaningaaki.  

Permalink Reply by Iaareto Kabunare on May 13, 2011 at 12:52am

Kanga I nanokawaki n tibwa ataia bwa iai aia itera nibaa kain Abemama. Ngke I a kaman ataia ao I a kaman kanakoa te kaongora iaona. Te Nati n Abemama kam bon ataa aron abami are te kakamaiu taekinana ma angiina te kan ngare ao te kan aera riki. E na bon kanganga naba taraakina bwa e na riai ni iangoaki oneani mwiin te kaibuke anne. Bon te kangare ngkana e a manga koro naba bukin te taetae ni burabeti are tii te waa ni ngare are kangai E na reke oneani mwiina ke e na kanga ai ngkam ao ti a bon noria. Bwa bukin tera be na titiku i Abemama te kaibuke ao e aera e aki tiku i Tarawa ni kania anakin ana kako ngkana e na anaia. Enga te tiriba i Kariatebike are e na karaoaki iai uruakina ke tera riki. E tau ma katikua n arona ao ti a mimi iai.

 

Permalink Reply by Iaareto Kabunare on May 13, 2011 at 12:56am

Bon te katrautaeka nakoimi n te karaki aio ma bon te koaua bwa ti a kara iaon Abemama ao ti a taneiaia n arona ma ngkoa are te matoatoa ao mwina te maen nako. A mwaiti naba taan bwaati n taetae man kangai be kewe ao e eti aio ke kanga ma ni kanga ti te koaua e kangai, Ao Ti na mataku iai be na koro bukina ke e na aki. Tekeraoi te ongora te Nati n Abemama.